Songs 68:3 - Hawaii Pidgin Bible

³ But fo da peopo dat stay do wass right, I like fo dem come real good inside An feel good wen dey come In front God! I like fo dem dance an sing Cuz dey stay good inside!

Songs 68:3 ပူးပေါင်းရင်းမြစ်များ

Songs 21:1

Eh! You Da One In Charge! Da king real happy Cuz you stay strong! Da king like throw one party Cuz you wen help him win da war!

Songs 32:11

Eh! All you peopo dat get um right Wit Da One In Charge, Stay good inside, Cuz you stay tight wit him! All you guys dat get one good heart Fo do da right ting, Dance an sing, Cuz you stay real good inside!

Songs 37:20

But da peopo dat do bad kine stuff, Dey goin come wipe out. Da guys dat go agains Da One In Charge, No goin get dem no moa, Jalike da grass inside da valley No mo wen da fire come.

Songs 43:4

Den I goin go by da altar Fo make one sacrifice fo you, God. You God! Wen I tink bout you, I stay real good inside! Dass why I goin sing good tings Bout you wit my harp. Eh God! You da God fo me!

Songs 58:10

Da peopo dat stay do wass right, Wen dey see dat God Pay back da bad guys Fo wat dey wen do, Dey goin come real good inside. Jalike God goin get his feets wet Wit da blood from da bad guys.

Songs 64:10

Da peopo dat stay do wass right, Dey goin stay real good inside Cuz a Da One In Charge. Dey goin stay tight wit him, So den he no goin Let notting hurt dem. Erybody dat get One good heart fo do wass right, Dey goin tell dat Da One In Charge, He da bestes!

Songs 75:4

“I tell da guys dat talk big Bout wat dey do, ‘No talk big!’ I tell da guys dat stay do Bad kine stuff, ‘No show off how strong you stay!

Songs 97:12

All you peopo dat do wass right erytime, You can stay good inside Cuz a wat Da One In Charge stay do! Go tell dat he da greates, Cuz he stay good an spesho!

Rules Secon Time 12:12

Ova dea you guys goin stay good inside in front God, Da One In Charge, you, an yoa boys an girls, yoa worka guys an wahines, an da Levi ohana guys from yoa town, cuz dey no mo land dat stay dea property.

1 Tessalonika 5:16

Stay good inside erytime.

1 Peter 1:8

No matta you guys neva see Jesus, still yet you get love an aloha fo him. You guys still no can see him, but still yet you guys trus him. You guys feel real good inside, mo plenny den you can tell.

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”

Jesus Show 19:7

Now we can feel good inside, An dance an sing, An tell how awesome he stay! “Cuz now, get da big luau Fo God Bebe Sheep Guy! Jesus goin take his peopo fo be wit him, An dey stay ready fo stay wit him, Jalike wen da groom marry his bride An she stay ready fo him.”