Songs 68:1 - Hawaii Pidgin Bible

¹ I like fo God make ready fo fight. I like fo da peopo dat stay agains him Run away all ova da place. I like fo da ones dat hate him Run away from in front him.

Songs 68:1 ပူးပေါင်းရင်းမြစ်များ

2 Records 6:41

“An now, you oua God, Da One In Charge! Stan up! Go come inside dis place fo you res, You an da Box Fo No Foget Da Deal Dat show how strong you stay! An oua God, Da One In Charge, I like fo yoa pries guys Know fo shua you get peopo outa trouble. I like fo da peopo dat stay tight wit you Dance an sing cuz you good!

Songs 21:8

Dass how you goin handle All da peopo dat stay agains you. Wit yoa strong right hand, You goin catch da ones dat stay hate you.

Songs 44:26

Do someting fo help us guys! Cuz you da one Dat stay tight wit yoa peopo An do good tings fo dem erytime!

Songs 59:11

I no like fo you kill da bad kine peopo, Cuz if you jus kill um, My peopo goin foget wat wen happen. Mo betta you use yoa powa Fo make dose guys homeless, An den bring um down. You my Boss, an you da one Dat no let us guys get hurt Jalike you one shield fo us.

Songs 68:14

Dass wat wen happen, da time Da God Dat Get All Da Powa Wen make all da kings run away. Dat time, get stuff all ova da groun, Jalike wen snow come down On top da Black Mountain.

Songs 68:30

Tell yoa army guys fo yell an attack Da odda nations dat no do wass right. Put presha on dem fo dem bring Silva fo pay you guys. Dose nations jalike da wild animals Dat live by da riva Wea da tall reeds grow. Dey jalike one bunch young calfs Dat get da bulls in charge a dem. But God goin scatta da nations Dat like beef.

Songs 89:10

You da one wen smash Da sea monsta Rahab fo him mahke. You get plenny powa, Fo make da peopo dat stay agains you Run away all ova da place.

Outa Egypt 20:5

No go down in front da odda gods fo show um love an respeck, an no work fo dem. Cuz I yoa God, az me, Da One In Charge! An if you go down in front da odda gods, I one jealous God! Az why I goin punish da peopo dat do bad kine tings an da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.

Isaiah 33:3

Wen da diffren peopos hear you make big noise like da thunda, Erybody run away. Wen you stan up fo fight, Da peopo inside da diffren countries, Dey run all ova da place.

Ezekiel 5:2

Afta you pau make jalike you goin take ova Jerusalem, take one pile hair an burn um in da middo part a da Jerusalem map. Den take anodda pile, put um all aroun da map an chop um up wit da sword. An throw da odda part up fo da wind blow um all ova. Az cuz I goin pull out my sword an go afta dem.

Daniel 2:35

Den, da iron, da clay, da bronze, da silva, an da gold wen broke same time, all small pieces, jalike da junk kine stuff dat fall down on top da groun wea dey split da wheat from da junk kine stuff summa time. An da wind blow um all away, so no mo notting dea. But da rock dat wen smash da statue, come one big mountain, an fill up da whole world.”

Census 10:35

Weneva da pries guys pick up da Box fo carry um, Moses tell, “Go fo broke, Da One In Charge! I like fo da peopo dat stay agains you, run away all ova da place. I like fo da ones dat hate you, run away from in front you!”

Rules Secon Time 7:10

But fo da peopo dat hate him, he goin wipe dem out fo pay um back. He no goin be slow fo pay um back.