Songs 67:4 - Hawaii Pidgin Bible

⁴ I like fo da diffren peopos Stay real good inside An sing cuz dey feel Good inside bout you, Cuz wen you judge da diffren peopos, You no make diffren kine To diffren peopo. Dass how you show da nations All ova da world how fo live. (Time out fo da music.)

Songs 67:4 ပူးပေါင်းရင်းမြစ်များ

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

Songs 2:8

You ony gotta aks, An I goin give you All da diffren peopos Fo be yoa property. Da whole world, dass goin be Yoa land.

Songs 82:6

God tell: “Me, I wen tell dis awready: You guys, peopo tink you ‘gods.’ All you guys, litto bit like me, Da God Dass Mo Importan Den All You Odda ‘Gods.’

Songs 9:8

He da Judge dat erytime do wass right Wit da diffren peopos all ova da world. He make shua da right ting happen Fo da diffren peopos.

Songs 96:10

Tell all da diffren nations, “Da One In Charge, he da King! Fo shua, da world stay solid, No can throw um off. Wen Da One In Charge judge all da diffren peopos, He judge um da right way!”

Songs 98:9

Cuz all dem stay In front Da One In Charge! Fo shua he stay coming fo be da judge Fo erybody inside da world. He goin judge da world da right way, An he no goin make Diffren kine to diffren peopos!

Isaiah 54:1

“Eh, my peopo! Sing an yell cuz you stay good inside! Cuz befo time, you guys Was jalike one wahine dat no mo her kids yet, Dat neva feel da sore from born one bebe. But now, eryting goin come good fo you guys, Jalike if dat wahine dat neva born one bebe, Now her get mo plenny kids Den da wahine dat get husban.” Dass wat Da One In Charge tell.

Isaiah 55:4

Look! Da one I wen make da promise bout, I let him tell all da diffren peopos wat I stay do, An be dea leada guy, an give dem my Rules.

Isaiah 60:6

Goin get real plenny camels all ova yoa land. Young camels from da Midian an Efah peopos, Dey all goin come from Yemen An bring gold an incense, Fo tell erybody dat Da One In Charge stay good.

Jesus Guys 17:31

He set up one day wen he goin judge erybody inside da world. He goin sen one guy fo judge um da right way. He show dat dis stay true cuz he bring dat guy back alive from mahke.”

Rome 2:5

But you get hard head. An you no like change wat you do. So, you stay make tings mo worse fo you. Bumbye God da Judge goin tell who wen do bad kine stuff, an erybody goin know dat God judge da right way. Den he goin punish you cuz he had it wit wat you do.

Galatia 4:27

You know, da Bible tell, “You, da one wahine dat no mo kids, Yell cuz you stay good inside. You neva feel sore from born one bebe. She can bus out an make big noise. Cuz da wahine dat no mo kids, Bumbye she goin get mo plenny kids Den da wahine dat live regula kine wit her husban.”

Rules Secon Time 32:43

All you peopos, yell plenny Cuz you stay good inside Wen you tink bout da peopo a Da One In Charge! Cuz he goin pay back da ones dat wen kill his worka guys. He goin pay back da peopo dat stay agains him. He goin make his peopo an land Come pono wit him one mo time.