Songs 66:8 - Hawaii Pidgin Bible

⁸ All you diffren peopos, Good, you tell oua God, “Mahalo plenny fo da good tings You do fo us!” Good, God hear you guys Tell him, dat he da bestes!

Songs 66:8 ပူးပေါင်းရင်းမြစ်များ

Songs 47:1

All you peopos, clap yoa hands! Yell plenny fo God, Cuz you stay good inside!

Songs 66:2

Sing fo tell God he pono, An he da bestes! Tell um you stay good inside cuz a dat!

Songs 98:4

Eh! You peopos all ova da world! Make big noise fo Da One In Charge! Open yoa mout an yell Cuz you stay good inside, an sing!

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.

Rules Secon Time 32:43

All you peopos, yell plenny Cuz you stay good inside Wen you tink bout da peopo a Da One In Charge! Cuz he goin pay back da ones dat wen kill his worka guys. He goin pay back da peopo dat stay agains him. He goin make his peopo an land Come pono wit him one mo time.

Jesus Show 19:1

Afta da big angel guy talk, jalike one dream, I hear one big noise dat soun like get plenny peopo inside da sky. Dey stay sing, “God, he da greates! Hallelujah! He take us outa da bad kine stuff we stay in! He da awesome One! An he da One dat get plenny powa!