Songs 66:4 - Hawaii Pidgin Bible

⁴ Peopo all ova da world Go down in front you Fo show you love an respeck! Dey sing bout you Cuz dey know wat kine god you.” (Time out fo da music.)

Songs 66:4 ပူးပေါင်းရင်းမြစ်များ

Songs 117:1

Eh! All you peopos In da diffren countries! Tell good tings bout Da One In Charge! All you diffren peopos, Talk good bout him!

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Songs 65:5

Wen we yell to you fo help us guys, You stay do real awesome an unreal tings Cuz you da God Dat stay get us outa trouble. Even da peopo dat live Da odda side a da world An inside da far oceans, Dey stay trus you.

Isaiah 11:9

All ova da mountain dat stay spesho fo me, Nobody goin hurt o wipe out nobody. Cuz all ova da world, erybody goin know me, Da One In Charge, Jalike all ova da ocean, da watta stay cova eryting.

Daniel 7:14

Da One Dat Stay From Befo Time give da guy Da powa fo stay in charge. He make peopo get respeck fo him An let him be dea king. All da diffren peopos From ery country an ery language Goin show dat guy love an respeck. Da powa he get fo stay in charge, He get um foeva. Dat powa goin be lidat foeva, An no mo nobody goin ovathrow him.”

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”