Songs 66:3 - Hawaii Pidgin Bible

³ Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Songs 66:3 ပူးပေါင်းရင်းမြစ်များ

Job 25:2

“God da one dat in charge, So mo betta stay plenny sked a him. He make eryting stay pono, Inside da mos high place in da sky.

Songs 18:44

Wen da peopos from odda countries hear bout me, Right den an dea dey tell, “Eh King David! You da boss!” But wen dey tell dat, dey ony bulai fo make show.

Songs 18:45

Dey lose fight, all dose peopo from odda countries. Dey come outa dea places wea dey hide fo no get kill, An dey sked an shaking!

Songs 47:2

Da One In Charge, He da mos awesome one! You betta come sked a him! He da main king guy Ova da whole world.

Songs 65:5

Wen we yell to you fo help us guys, You stay do real awesome an unreal tings Cuz you da God Dat stay get us outa trouble. Even da peopo dat live Da odda side a da world An inside da far oceans, Dey stay trus you.

Songs 68:30

Tell yoa army guys fo yell an attack Da odda nations dat no do wass right. Put presha on dem fo dem bring Silva fo pay you guys. Dose nations jalike da wild animals Dat live by da riva Wea da tall reeds grow. Dey jalike one bunch young calfs Dat get da bulls in charge a dem. But God goin scatta da nations Dat like beef.

Songs 76:12

He no let dea leada guys feel proud, An he make king guys All ova da world stay sked a him.

Songs 81:15

If my peopo lissen, Den da ones dat hate me, Da One In Charge, Goin fall down cuz dey sked a me, An I goin punish dem foeva. But my peopo no lissen, Az why all dat no happen!

Outa Egypt 15:21

Miriam, she give um dis song fo sing back to her: “I sing fo Da One In Charge! He awesome fo real kine! Da horses an da guys dat ride um, God throw um all inside da Red Sea!”

Isaiah 2:19

Peopo goin go inside caves inside da big rocks, An inside da big kine pukas undaneat da groun, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 25:3

Dass why goin get strong peopos Dat show respeck fo you, Da One In Charge. Peopo from da big towns dat stay real mean, Dey goin stay sked a you.

Isaiah 40:26

Eh, you guys, look up inside da sky! Who you tink wen make all dis stuff?! Az da same One bring out da stars one by one. Get plenny a dem, jalike one army! He call da name fo ery star. Cuz God stay strong an get plenny powa, Ery star stay dea wen he call dea name.

Isaiah 64:3

Befo time you wen do awesome an unreal kine stuff Dat us guys neva tink you goin do. You wen come down, An da mountains shake jalike get earthquake An fall down in front you,

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.