Songs 66:18 - Hawaii Pidgin Bible

¹⁸ Even if I wen like do someting Ony litto bit bad, My Boss no goin lissen me.

Songs 66:18 ပူးပေါင်းရင်းမြစ်များ

Job 35:13

Fo shua, God no goin lissen dose guys, Cuz wat dey tell, no mean notting. Da God Dat Get All Da Powa, he no goin wase time wit dat.

Job 36:21

Watch out! No go turn aroun an do bad kine stuff! Cuz God let you suffa fo tes you.

Smart Guys 15:29

Da One In Charge stay far away from da bad kine peopo, But wen da peopo dat do wass right pray, He lissen.

Smart Guys 15:8

Wen da bad kine peopo Make sacrifice fo God, God tink, dat kine sacrifice stay pilau. Wen da good kine peopo pray, Dass wat God like.

Smart Guys 21:13

Wen peopo yell fo help cuz dey need someting, An you make deaf ear, Goin be same same fo you. Wen you yell fo help, Nobody goin lissen you!

Smart Guys 28:9

Wen somebody make deaf ear An no lissen da Rules from God, Wen da guy pray to God, God goin tell, “Bummahs! No good, wat you tell me!”

Isaiah 1:15

Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.

John 9:31

An da guy tell dis too, “Eh! we know dat God no lissen da bad kine guys. But he lissen da guys dat get respeck fo him an do wat he like.”

James 4:3

Yeah, you aks fo um, but still yet you no get um, cuz inside you no stay right. Da kine stuff you stay aks fo, az ony fo make you feel good, az why.