Songs 66:12 - Hawaii Pidgin Bible

¹² Jalike you wen make army guys Ride horse ova oua heads, An jalike us guys wen go Thru fires an floods. But now, you wen get us outa dat An give us eryting us guys need.

Songs 66:12 ပူးပေါင်းရင်းမြစ်များ

2 Samuel 15:17

So da king start fo go wit all da army guys dat stay his side. Dey stop by da las house befo dey leave da town.

Job 36:16

“Fo shua, Job, God make you fo you like get away from trouble. Az cuz he like bring you inside one place fo you move aroun. He like you res by yoa table dat get plenny good food.

Job 5:19

He goin get you outa trouble foeva. Even da worse time, notting bad goin happen to you.

Songs 33:19

Da One In Charge Goin get dem guys outa trouble So dey no mahke. Wen no mo notting fo eat, He goin give dem stuff fo eat Fo make shua dey stay alive.

Isaiah 51:23

I goin put dat wine bowl In da hands a da peopo Dat wen make you guys suffa, Da ones dat tell you guys, ‘Go lay down on top da groun! Fo us walk on top you guys! Make yoa back flat jalike da groun Jalike one road fo us walk on top.’ But I goin make trouble fo dem.”

Daniel 3:26

Den King Nebukadnezzar go by da door wea dey clean out da real hot oven fire place, an he yell, “Hui! Shadrak, Meshak, Abednego! You guys dat work fo da God Dass Mo Importan Den All Da Odda Gods, come outside!” So Shadrak, Meshak, an Abednego come outa dea.

Luke 16:25

“But Abraham tell, ‘My boy, no foget wen you was alive, you get all da good kine stuff, an Lazarus suffa all da bad kine stuff. Now he stay good ova hea wit God, an you stay suffa inside da fire.

Jesus Guys 14:22

Dey give good kine words to da peopo dat stay tight wit Jesus fo help um stick wit da Good Stuff Bout Jesus fo dem trus Jesus. Dey tell, “Us guys gotta suffa plenny befo us guys see God come oua king.”

James 5:11

You know wat? Wen we tink bout da peopo dat suffa an no give up, we tell, dey can stay good inside. You no foget da guy Job dat da Bible tell bout? He wen suffa plenny, but he neva give up. An bumbye Da One In Charge wen make eryting good. Cuz Da One In Charge feel pity fo us guys, an give us chance.