Songs 65:2 - Hawaii Pidgin Bible

² You, da one dat lissen wen us guys pray. Az why all da peopo Goin come by you.

Songs 65:2 ပူးပေါင်းရင်းမြစ်များ

1 Kings 18:29

Aftanoon time, dey do same ting. Dey make jalike da guys dat talk fo Baal suppose to make, spazzing out till evening time, wen time fo make da regula kine sacrifice. But Baal no do notting, nobody tell dem notting, nobody lissen dem.

1 Kings 18:37

Da One In Charge, do someting fo show you lissen me, so den dis peopo goin know dat you Da One In Charge, you da God dass fo real, an dat you stay make dem trus you one mo time.”

2 Records 33:13

Wen Manasseh pray to God lidat, Da One In Charge lissen wat Manasseh tell um fo do. So Da One In Charge bring him back Jerusalem side fo come king one mo time. Den Manasseh tell dat he know fo shua dat ony Da One In Charge, him da real God.

Songs 102:17

Wen da peopo dat no mo notting pray, He goin lissen. He no goin tink Da ting dey tell him fo do, ony junk.

Songs 116:14

In front a all God peopo, I goin do eryting I wen promise Da One In Charge fo do!

Songs 116:18

In front a all God peopo, I goin go do eryting I wen promise Da One In Charge fo do,

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Songs 66:13

I goin come yoa Temple Wit animals fo make Burn up kine sacrifice. Eryting I wen promise fo do fo you, I goin do um.

Songs 66:19

But fo shua, Wen I pray, he lissen.

Songs 66:4

Peopo all ova da world Go down in front you Fo show you love an respeck! Dey sing bout you Cuz dey know wat kine god you.” (Time out fo da music.)

Songs 86:9

You my Boss! You wen make All da diffren peopos. Dey all goin come by you An go down in front you. Dey show choke respeck fo you. Cuz dey know wat kine god you.

Isaiah 49:6

So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”

Isaiah 65:24

Befo dey yell fo help, I help um. Wen dey still stay talking, I hear dem awready.

Isaiah 66:23

All da time, ery new moon time an ery Res Day, all da peopo all ova da world goin come an go down in front me.” Az wat Da One In Charge tell.

Nahum 2:1

Get guys stay come Dat goin smash you Nineveh peopo! Guard yoa strong wall! Watch da road! Make ready! Come real strong!

John 12:32

Wen dey lif me up from da groun fo kill me, den I goin bring erybody by me.”

Jesus Guys 10:31

An he tell, ‘Cornelius, God hear wat you stay pray fo, an he know bout all da money you give to da pooa peopo.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”