Songs 64:4 - Hawaii Pidgin Bible

⁴ Dey hide fo shoot arrows At guys dat no bodda nobody. Dey jump out an shoot um, An dey no sked.

Songs 64:4 ပူးပေါင်းရင်းမြစ်များ

2 Samuel 15:14

David tell all da palace guys dat stay wit him inside Jerusalem, “Go come! Us gotta run, o no mo nobody from us goin get away from Absalom. Us gotta bag right now! Cuz he goin come real fas wea we stay, an throw us guys outa hea, an his guys goin kill all da peopo inside Jerusalem town wit dea swords.”

Nehemiah 4:11

An da guys dat stay agains us tell, “Wen us guys go afta da Jew guys, dey no goin know we dea, an dey no goin see us till we stay right dea wit dem. Den we kill um an make da work stop.”

Songs 11:2

Cuz you know wat? Da bad guys, dey make ready dea bow fo shoot, Dey put dea arrow on top da bow string An hide in one dark place fo shoot Whoeva get one good heart fo do da right ting.

Songs 55:19

God, he stay sit on top his throne From long time An he no change. (Time out fo da music.) God hear wat happen, An he goin make dose guys lose face, Da ones dat no stay sked a God.

Songs 55:22

All da stuff dat bodda you guys, Turn um ova to Da One In Charge. He goin make shua you can handle. Da peopo dat stay do wass right, He no goin let dem Come all weak, eva, Fo dem no stan up.

Songs 57:5

God, I like erybody know, Dat you mo big even den da sky! I like erybody on top da earth, Know how awesome you stay!

Songs 64:7

But God, he goin shoot dem Befo dey know wassup! His arrows goin hurt um plenny.

Habakkuk 3:14

His fighta guys wen come jalike one storm, Fo make us guys scatta all ova da place. But you wen stab dea leada wit his spear. Dea guys wen stay good inside cuz dey figga dey goin win ova us guys. Jalike dey rip off da pooa peopo An no let nobody know.

John 19:6

Wen da Main Pries guys an da police guys see Jesus, dey make big noise, an dey yell, “Kill da buggah on top one cross! Kill da buggah on top one cross!” Pilate tell, “You guys take him an kill um on top one cross! I no find notting bad he wen do dat I gotta punish him.”

1 Samuel 18:11

He throw um at David. He tink, “I goin make da spear go thru David body an into da wall!” But David, two time he jump outa da way.

1 Samuel 19:10

Saul throw his spear fo pin David to da wall jalike da las time. David move fas an dodge um, an Saul throw da spear inside da wall. Dat same nite, David get outa dea an bag fo good.