Songs 64:3 - Hawaii Pidgin Bible

³ Dey make ready fo tell Tings dat hurt plenny, Jalike dey stay make dea swords sharp. Dey tink how fo talk bad An make eryting come bad, Jalike dey make ready Fo shoot poison arrows.

Songs 64:3 ပူးပေါင်းရင်းမြစ်များ

Songs 11:2

Cuz you know wat? Da bad guys, dey make ready dea bow fo shoot, Dey put dea arrow on top da bow string An hide in one dark place fo shoot Whoeva get one good heart fo do da right ting.

Songs 141:9

Da peopo dat do bad kine stuff, Dey make plenny trap fo catch me, So watch ova me, so dey no can trap me. No let da bad guys trap catch me.

Songs 57:4

Weneva I go sleep, Da peopo dat stay agains me, Dey jalike lions all aroun me Dat like eat peopo, An get sharp teet jalike spears an arrows. Wen dey talk, jalike dey cut me Wit one sharp sword.

Songs 58:7

I like dem disappea jalike watta Dat run away An you no see um no moa. Wen dey shoot dea arrows, I like notting happen.

Smart Guys 12:18

Some peopo talk, but dey no tink firs. Az jalike dey stab you wit one knife. But da peopo dat know wat fo do erytime, Wen dey talk, make peopo feel mo betta.

Smart Guys 30:14

An dat kine peopo, Dey like wipe out da peopo dat no mo powa From all ova da world. Dey like wipe out da peopo dat need help So dey no need help um an dey go way. Dey jalike one wild animal Dat get sharp teets, jalike one sword o knife!

Isaiah 54:17

But no matta wat kine tings peopo make Fo fight you guys wit um, Dey no goin win. No matta wat peopo tell in front da judge Wen dey poin finga you guys, You guys goin show proof dey wrong. All dis I goin do fo you guys Cuz me Da One In Charge an you guys work fo me. Dass how I goin show Dat my peopo get um right wit me.” Dass wat Da One In Charge tell.

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”