Songs 61:8 - Hawaii Pidgin Bible

⁸ Az how I goin sing foeva, Cuz I know wat kine god you. Ery day I goin do all da tings I wen make one promise fo do.

Songs 61:8 ပူးပေါင်းရင်းမြစ်များ

2 Samuel 15:20

Jalike was ony yestaday wen you guys wen come by us. So today, no need you guys come homeless an go all ova da place wit us guys! I donno wea us goin go. Go back, an take all yoa guys. Stay tight wit each odda an trus each odda!”

Songs 146:2

All da time I stay alive, I goin tell good tings Bout Da One In Charge. Till I mahke, I goin sing songs Bout my God, Fo tell um how good he stay.

Songs 30:12

Cuz you wen do dat, Now eryting inside Sing bout how good you stay. Dass why inside me I no stay quiet. Eh! You Da One In Charge! You da God fo me! I goin tell good tings bout you, All da time!

Songs 40:12

Cuz all aroun me Get peopo do bad kine stuff, Mo plenny den I can figga. Da bad kine stuff catch up wit me. I no can see good! I get choke plenny trouble, Mo plenny Den da hairs on top my head. I like be strong, But no can!

Songs 65:1

Eh God! Az good, Peopo tell dat you da bestes, Wen dey go Zion Hill fo pray to you. Az good, dey do da tings Dey wen make one strong promise To you fo dem do.

Songs 71:22

I goin tell erybody dat I yoa guy, An sing bout you, my God, Wit da ten-string harp, Bout how I can trus you Fo do wat you tell. I goin sing fo you Wit da small harp too, Cuz you da God Dat Stay Good An Spesho, Da One us Israel peopo stay pray to.

Songs 79:13

Us guys, yoa peopo. You take kea us guys Jalike we yoa sheeps. We goin tell good tings Bout you all da time, To oua kids, an oua grankids foeva. We goin tell da story Bout how you da greates!

Songs 89:5

Eh! You Da One In Charge! Erybody inside da sky tell Dat da tings you do, stay awesome! Wen da ones dat stay spesho fo you Come togedda, Dey talk even mo plenny Bout how dey trus you fo erytime do Wat you tell you goin do!