Songs 61:7 - Hawaii Pidgin Bible

⁷ I like fo da king Stay king foeva in front God! I like fo God make shua Notting bad goin happen to him. I like God stay tight wit him, An erytime do wat he tell he goin do.

Songs 61:7 ပူးပေါင်းရင်းမြစ်များ

Start 24:27

He tell, “I like tell dis: Da One In Charge, he da God fo my boss guy Abraham. He make eryting come out good fo Abraham, fo shua! God no broke his promise fo stay tight wit my boss an do wat he tell he goin do. An same ting fo me too, Da One In Charge show me wea fo go, strait to da peopo from my boss guy ohana, jalike I suppose to do!”

Start 32:10

Me, I not one importan guy. But you stay tight wit me cuz I yoa guy. I know I can trus you erytime fo hang in dea wit me, yoa slave guy, jalike you wen tell me befo time. Cuz wen I go da firs time an cross dis Jordan Riva, I no mo notting. Da ony ting I get was one stick fo walk. Now, I get choke plenny peopo fo fill up two camp.

2 Samuel 7:26

Az how yoa name goin stay big foeva. Peopo goin tell, ‘Da One In Charge, Da God Ova All Da Armies, he da God fo da Israel peopo.’ An me, David yoa worka guy, my ohana goin stay strong an solid in front you.

Songs 21:5

Da One In Charge, you make peopo get plenny respeck fo da king, Cuz you help him win da war. You make him awesome an importan,

Songs 40:11

Eh! You Da One In Charge! No hold back bumbye Fo do da tings dat show You get love an aloha fo me. Try make shua Notting bad happen to me, Cuz you stay tight wit yoa peopo, An you tell da trut.

Songs 41:12

You hold me up so I no fall down Cuz I stay all pono inside. Az why you goin let me stan In front you foeva.

Songs 43:3

Shine yoa light fo show wass true, Fo me know wea fo go. Dass how I goin go by Zion Hill Dat stay spesho fo you, Cuz dass da place you live.

Songs 57:3

I like fo God reach down from da sky Fo get me outa trouble. If somebody like make any kine to me, I like God make um come shame. (Time out fo da music.) I like fo God stay tight wit me Cuz I his guy An he erytime do Wat he tell he goin do.

Smart Guys 20:28

Wen one king stay tight wit his peopo An dey know dey can trus him, Den da king know fo shua No mo notting bad goin happen to him. Cuz he know da peopo stay tight wit him, Dass wat make da peopo like Fo him be dea leada, long time.

Micah 7:20

You goin hang in dea wit da Jacob ohana peopo, An stay tight wit da Abraham ohana peopo, Jalike you wen make one strong promise to oua ancesta guys fo do, Long time befo time.”

Luke 1:33

He goin stay King fo da Jacob ohana, Da Israel peopo, foeva. Goin be lidat foeva.”

Hebrews 9:24

You know, had one place dass spesho fo God dat da peopo wen make, dat was ony one copy a da real ting. But Christ neva go inside dat place dat da peopo wen make. He go wea God stay fo real kine inside da sky, an now he stay wea God stay fo help us guys.