Songs 60:1 - Hawaii Pidgin Bible

¹ Bummahs, God! You no give a rip fo us, o wat?! You wen dump all us guys! You wen let da odda army guys Smash thru oua line! You wen stay huhu wit us! Now, we like you make us Come okay one mo time!

Songs 60:1 ပူးပေါင်းရင်းမြစ်များ

2 Samuel 10:16

King Hadadezer tell his guys fo bring odda Aram army guys from da odda side a da Eufrates Riva. Dey go Helam town. Shobak, da general fo Hadadezer army, lead dem.

2 Samuel 5:20

So David dem go Baal-Perazim side, an he win ova da Filisha guys. He tell, “Jalike wen da watta broke thru one dam, Da One In Charge broke thru agains da guys dat stay agains me.” Dass why David call dat place “Baal-Perazim” an still yet dat place get dat name. Dat mean “Da Boss Dat Broke Thru.”

2 Samuel 8:14

David put army guys all ova da Edom land. An all da Edom peopo come slaves fo David. Da One In Charge help David guys fo win, ery place dey go.

2 Samuel 8:3

David attack Hadadezer, Rehob boy, da king fo da Zobah districk inside da Syria land. Befo time, Hadadezer wen take ova da land nea da Eufrates Riva too, but da peopo ova dea no like him. So Hadadezer gotta go back fo take um ova one mo time. An dass wen David guys jump um.

2 Kings 14:7

Amaziah, he da one wen win ova ten tousan Edom guys inside da Salt Valley. An he take ova dea big town Sela dat time. He call da place Jokteel, an dass da name stay lidat today.

1 Records 18:3

Den David an his guys fight Hadadezer da Zobah king an his guys, all da way Hamat side, da time Hadadezer go fo make solid dat he da one stay in charge nea da Eufrates Riva.

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

2 Records 25:11

Den Amaziah feel strong. He bring his army guys togedda, an bring um inside da Salt Valley. Ova dea dey kill ten tousan Edom guys from Seir.

Songs 108:11

God, you da One dat gotta do dat, No matta was you dat wen throw out Us guys befo time, An you no stay go Wit oua army guys now, Wen dey go out fo fight!

Songs 44:9

But now, God, You make us guys Jalike we notting. You make us guys come shame. You no go wit oua army guys fo fight.

Songs 59:1

Eh God! You da God fo me! Get me outa trouble From da peopo dat stay agains me! Wen dey come fo attack me, Make shua dey no hurt me!

Songs 59:11

I no like fo you kill da bad kine peopo, Cuz if you jus kill um, My peopo goin foget wat wen happen. Mo betta you use yoa powa Fo make dose guys homeless, An den bring um down. You my Boss, an you da one Dat no let us guys get hurt Jalike you one shield fo us.

Songs 60:10

Goin be you, God, dat goin do dat, No matta you da one Dat wen dump us guys, An you no go wit oua army guys Wen dey go out fo fight!

Songs 74:1

Eh God! How come You wen dump us guys?! Goin be lidat all da time, o wat?! You stay real huhu wit us guys, Jalike smoke come outa yoa nose! An us, jalike da sheeps Dat live on top yoa land An you jalike da sheep guy Dat take kea us!

Songs 79:5

Eh! You Da One In Charge! Wen all dis goin come pau?! You goin stay mad all da time, o wat? You goin stay jealous, An burn up inside, o wat?

Songs 79:9

You da God dat stay get us outa trouble, So help us! Den peopo goin know wat kine god you An how awesome you stay. Get us outa trouble, an let us go. An hemo da shame fo da bad tings Us guys wen do! Den peopo goin know Wat kine god you.

Songs 80:1

You da one dat take kea Us Israel ohana guys Jalike one sheep guy Take kea his sheeps. You da one dat show Da Joseph ohana guys wea fo go, Jalike one sheep guy Show his sheeps wea fo go. So, lissen wat I tell! From da place you stay, Ova da Box Fo No Foget Da Deal, Wea da awesome angel watcha guys Stay on top— Show how strong you!

Songs 80:3

Eh God! Make us guys come Jalike we was befo time! Smile an show you stay good inside Bout us guys, Fo us guys get outa trouble!

Songs 85:4

Eh! You da God Dat get us guys outa trouble. Cuz a dat, go change yoa mind An help us guys one mo time. No stay sad inside Bout us guys no moa.

Songs 89:19

Eh God! Long time befo time, You wen talk inside one dream, To da peopo dat stay tight wit you. Dis wat you wen tell: “Me, I wen pick one army guy An help him fo come strong. I wen pick one guy from da peopo Fo make him come big.

Songs 89:3

God tell dis: “I wen make one deal Wit da guy I wen pick. Dass da promise I wen make Wit King David, da guy dat work fo me:

Songs 89:38

But eh, God! You ack jalike you donno yoa king! You treat um jalike he pilau. You wen come huhu Wit da king you wen pick.

Songs 89:7

Eh God, wen da ones dat stay spesho Fo you come togedda, You so awesome, dat dey all come sked! You mo skery den all da ones Dat stay aroun you!

Songs 90:13

Eh You In Charge! So, how long you goin stay huhu Wit us guys? Try change yoa mind an show pity Fo us guys dat work fo you!

Zekariah 10:6

“I goin make da Judah ohana come strong. I goin get da Joseph ohana outa trouble. I goin bring dem back Cuz I get love an pity fo dem. Dey goin come jalike I neva leave dem. Cuz me Da One In Charge dea God, An I goin help dem wen dey pray to me.

1 Samuel 13:11

Samuel tell, “Eh! Wat you wen do?!” Saul tell, “Wen I see oua army guys stay scatta all ova da place, an you neva come yet like you wen tell you goin do, an da Filisha guys stay come togedda Mikmash side,

1 Samuel 4:17

Da guy tell, “Da Israel guys wen run away from da Filisha army guys! Plenny Israel guys mahke! An yoa two boys, Hofni an Finehas, dey mahke too! Den, da Filisha guys take away Da Box Fo No Foget Da Deal Wit God!”