Songs 6:9 - Hawaii Pidgin Bible

⁹ Da One In Charge, wen I aks him Fo be good to me, he lissen. Wen I pray to him, he tell, “Okay.”

Songs 6:9 ပူးပေါင်းရင်းမြစ်များ

2 Records 34:27

You wen lissen, an you come sorry in front God wen you hear wat I wen tell agains dis place an da peopo. An cuz you come sorry an rip yoa clotheses, an cry in front me, az why I lissen you.’ Dass da message from Da One In Charge.

Songs 118:5

Befo time wen I get plenny presha, I yell fo Da One In Charge help me. He wen lissen, An he put me wea no mo presha.

Songs 120:1

Da One In Charge, Weneva I get trouble, He da one I yell to fo help me. He lissen, an help me.

Songs 138:3

Weneva I yell to you fo help me, You help me. You make um so I no come sked Fo do wat I need fo do, Dass how you make me Come strong inside.

Songs 3:4

I wen yell to Da One In Charge Fo help me. He hear me up dea On top da mountain Dat stay spesho fo him, An he help me. (Time out fo da music.)

Songs 31:22

Me, I wen come sked, an right den an dea I wen yell, “Eh! I stay cut off from you, Da One In Charge!” But you wen hear me Yell to you fo help me An you wen help me.

Isaiah 38:5

“Go tell Hezekiah, ‘Dis one spesho message from Da One In Charge, da God fo yoa ancesta David: I wen hear wat you wen pray an I see you cry. Cuz a dat, I goin give you fifteen mo year fo live.

Sad Song 3:56

You wen hear wat I yell, “No make deaf ear! Let me breave some moa, wen I yell to you fo help me!”

Jonah 2:2

He tell: “Wen I presha out to da max, I wen yell out to you, Da One In Charge, fo help me, An you help me. “Wen I stay inside da fish opu Was jalike inside da place wea da mahke peopo stay. I yell fo help, An you wen lissen me. Was jalike I stay inside da middo a da Mahke Peopo Place.

Jonah 2:7

“Wen I feel jalike I goin stay alive ony litto bit moa, I tink plenny bout you cuz you Da One In Charge. I wen pray hard fo you help me Ova dea wea you stay Inside da Temple dass spesho fo you.