Songs 6:8 - Hawaii Pidgin Bible

⁸ Eh! All you guys dat do real bad kine stuff! Beat it awready! Cuz Da One In Charge, he wen hear me cry.

Songs 6:8 ပူးပေါင်းရင်းမြစ်များ

Job 17:7

My eyes no can see good cuz I stay sad inside an cry. My whole body come real skinny an I no mo one shadow.

Songs 116:8

Cuz you, Da One In Charge, You wen get me outa trouble Fo me no mahke, Az why I no need cry no moa, An fall down.

Songs 119:115

All you peopo dat stay do bad kine stuff, Get away from me! Cuz I goin do da tings Dat my God tell me I gotta do.

Songs 139:19

Eh God! I like fo you kill da peopo Dat do bad tings! All you killas, get outa my life!

Songs 145:18

Da One In Charge, he stay ready fo help All da peopo dat yell fo him help um. He stay nea erybody Dat tell him fo help um An him no bulai dem.

Songs 3:4

I wen yell to Da One In Charge Fo help me. He hear me up dea On top da mountain Dat stay spesho fo him, An he help me. (Time out fo da music.)

Songs 31:10

My life, all poho, Cuz I stay real sore inside. I ony goin live short time, Cuz all da time I stay moaning. Befo I strong, but now I ony tired, Cuz a da bad tings I wen do. Even my bones come weak.

Songs 56:8

Awready you wen count all da times I gotta run away. Put my tears inside yoa watta bag Fo you no foget how plenny I wen cry. Fo shua all dis stay Inside yoa book.

Isaiah 30:19

Cuz you peopo dat live inside Jerusalem town, You no goin cry no moa. Wen you guys yell to Da One In Charge fo help you, He goin do um. Fo shua he goin do good tings fo you. He goin hear you guys, An right den an dea he goin help you.

Isaiah 38:3

“Bummahs! You Da One In Charge! Try no foget all da stuff I wen do! I no hide um from you. I da kine guy you can trus, an do eryting I promise fo do. I try fo make shua I do ony good kine stuff dat you tell az good.” Den Hezekiah cry plenny.

Isaiah 38:5

“Go tell Hezekiah, ‘Dis one spesho message from Da One In Charge, da God fo yoa ancesta David: I wen hear wat you wen pray an I see you cry. Cuz a dat, I goin give you fifteen mo year fo live.

Sad Song 3:56

You wen hear wat I yell, “No make deaf ear! Let me breave some moa, wen I yell to you fo help me!”

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Matthew 7:23

I goin tell um strait, ‘Who you? I donno you guys. Beat it! You guys stay broke da Rules dat God wen make.’

Luke 13:27

He goin tell one mo time, ‘I donno who you guys o wea you guys come from! Get outa hea, all you guys dat stay do wass wrong!

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.