Songs 6:7 - Hawaii Pidgin Bible

⁷ Cuz I get plenny trouble, My eyes look tired an come weak. Cuz a all da peopo dat stay agains me, My eyes no stay strong no moa.

Songs 6:7 ပူးပေါင်းရင်းမြစ်များ

2 Kings 20:3

“Da One In Charge! Try no foget, dat all da stuff I do, I no hide um from you. I try erytime fo be da kine guy you can trus, an do eryting I promise fo do. I wen try fo make shua I do ony da kine stuff dat you tell az good.” Den Hezekiah cry real hard.

Job 17:7

My eyes no can see good cuz I stay sad inside an cry. My whole body come real skinny an I no mo one shadow.

Job 7:3

Az how God give me months wen I stay wait fo notting. Ery nite I stay bum out.

Songs 32:3

Had one time, I neva tell notting Bout da bad tings I wen do, Dat time, my body wen come all weak An all day I ony stay moan real loud.

Songs 38:10

My heart stay pounding real fas, An I no stay strong no moa. My eye stay come poho.

Songs 69:4

Da peopo dat stay hate me, An I neva do notting Fo make dem hate me, Get mo plenny a dem, Den I get hairs on top my head! Get choke plenny peopo Dat like kill me Fo make me shut up foeva! Dey stay agains me, But dey ony bulai bout me. Dey talk jalike I gotta give back someting Dat I neva take away from nobody!

Songs 88:9

My eyes, all poho Cuz I stay sad inside. Still yet, ery day I yell fo you help me, An I put up my hands fo pray to you, Da One In Charge.

Jeremiah 45:3

“You tell, ‘Ho, man! I stay all jam up! Da One In Charge make me come mo an mo sore inside, so I stay hurt plenny! I stay real tired from moaning! I no can res!’ ”

Sad Song 5:17

Cuz a dis, us not strong inside. Cuz a all dis, oua eyes see ony litto bit.