Songs 6:5 - Hawaii Pidgin Bible

⁵ You know, da mahke peopo no can tink bout you no moa. Inside da Mahke Peopo Place, no mo nobody tell good tings bout you.

Songs 6:5 ပူးပေါင်းရင်းမြစ်များ

Songs 115:17

Da mahke peopo, no way dey goin tell Good tings bout Da One In Charge, Cuz down dea, nobody make noise!

Songs 116:4

Den I yell fo Da One In Charge help me, Cuz I know wat kine god him. I wen pray lidis: “Eh! You Da One In Charge! Try help me! Get me outa trouble, Fo me no gotta mahke!”

Songs 118:17

I no goin mahke! I goin stay alive! An I goin tell da story Bout all da tings Da One In Charge do!

Songs 30:9

“Eh Boss! How dat goin help you If you kill me? How dat goin help If I go down inside my grave? How da dirt down dea inside da grave, Goin tell peopo fo trus you, aah?”

Songs 90:13

Eh You In Charge! So, how long you goin stay huhu Wit us guys? Try change yoa mind an show pity Fo us guys dat work fo you!

Teacha 9:10

Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

John 9:4

God sen me hea cuz us guys gotta do da kine work he tell us fo do now wen still get da light. Bumbye nite time come, an den nobody can work.