Songs 6:4 - Hawaii Pidgin Bible

⁴ Eh! You Da One In Charge! Change yoa mind! No let me mahke! You erytime stay tight wit yoa peopo, So get me outa dis trouble!

Songs 6:4 ပူးပေါင်းရင်းမြစ်များ

Songs 116:4

Den I yell fo Da One In Charge help me, Cuz I know wat kine god him. I wen pray lidis: “Eh! You Da One In Charge! Try help me! Get me outa trouble, Fo me no gotta mahke!”

Songs 116:8

Cuz you, Da One In Charge, You wen get me outa trouble Fo me no mahke, Az why I no need cry no moa, An fall down.

Songs 120:2

Eh! Da One In Charge! Get me outa trouble! Peopo come afta me Fo bulai me an scam me.

Songs 121:7

Da One In Charge, he goin take kea you Fo notting bad happen to you. He no goin let you mahke.

Songs 13:2

I gotta worry bout all dis stuff, o wat?! An stay sad inside ery day?! Da guys dat stay agains me, Erytime dey goin win ova me, o wat?!

Songs 17:13

Eh! You Da One In Charge! Go afta dem guys! Face um an throw um down! No let um get away! Use yoa sword, Fo make shua da bad kine guys no goin hurt me!

Songs 22:20

No let dose guys wack me wit dea swords an kill me! Dose guys dat stay ack jalike dogs, No give um da powa fo take away my life, Da ony one I get!

Songs 25:7

Eh! You Da One In Charge! Wen I was young, I wen do bad tings an go agains you. No tink bout me lidat no moa. Mo betta, tink lidis bout me. Tink bout how you stay tight wit me, Cuz you good, az why.

Songs 69:13

But me, I stay pray to you, Da One In Charge. Wen da right time come, God, Do wat I aks you fo do, Cuz you stay tight wit yoa peopo Big time, An I can trus you Fo get me outa trouble!

Songs 74:10

God, how long mo dey goin Make us come shame, Da guys dat stay fight wit us?! Da guys dat come agains us, Dey goin talk bad bout you Fo give you one bad rep, o wat?!

Songs 79:5

Eh! You Da One In Charge! Wen all dis goin come pau?! You goin stay mad all da time, o wat? You goin stay jealous, An burn up inside, o wat?

Songs 80:14

God, you da God Ova All Da Armies. Try look aroun one mo time An check out us guys! Look down from da sky An see wassup! Do dis jalike you stay plan Fo do good to yoa peopo. Cuz us jalike yoa grape plant You wen plant!

Songs 86:13

Cuz you stay real tight wit me. You even make um Fo me no gotta go da mos deep part A da Mahke Peopo Place!

Songs 90:13

Eh You In Charge! So, how long you goin stay huhu Wit us guys? Try change yoa mind an show pity Fo us guys dat work fo you!

Isaiah 38:17

Fo shua, if I neva suffa plenny, Notting come good fo me afta. You get plenny love an aloha fo me. Az why you neva let me go Inside da Deep Dark Hole, an mahke. You wen take all da bad kine stuff I wen do, An put um behind yoa back.

Daniel 9:18

“God, try lissen. An try open yoa eyes an look how us stay all bus up! Try look yoa bus up big town, Jerusalem, dat carry yoa name! Cuz us stay pray an aks you fo do dis. Az not cuz us guys do da right kine stuff, but cuz you give plenny chance!

Malakai 3:7

From da time dat yoa ancesta guys wen live, You guys erytime turn aroun an go da odda way from my Rules. An you guys no stick wit um. Go come back an be my guys one mo time! An I goin come back to you guys! Me, Da One In Charge, Da God Ova All Da Armies, Dass wat I tell.” But you guys tell, “How us guys goin come back?! Us guys neva go way!”

Efesus 1:6

God like his kids fo tell how awesome all da good kine tings he stay do fo us. God do good tings fo us cuz we stay tight wit Christ, an God get plenny love an aloha fo Christ.