Songs 6:2 - Hawaii Pidgin Bible

² Eh! You Da One In Charge! Be good to me, cuz my body stay weak! Make my body come good, Cuz I sked an shaking all ova.

Songs 6:2 ပူးပေါင်းရင်းမြစ်များ

Start 20:17

All da time Sarah stay Abimelek house, Da One In Charge neva let da wahines dea come hapai, cuz a Sarah. Den Abraham pray to God fo Abimelek peopo. Az why afta Abraham pray to God, God make Abimelek an his wife come good fo born kids, an same ting fo all da slave wahines inside Abimelek house.

Job 19:21

“Eh, you guys! You my frenz, aah? Show pity fo me! Show pity cuz God wen wack me!

Job 5:18

Cuz he can hurt you, but he put bandage on you too. He can wack you, but he touch you an make you come good too.

Songs 22:14

My life, jalike all pau awready, Jalike you dump watta on top da groun. All da bones inside my body, all hamajang. I feel jalike I stay melting inside, Jalike sof wax.

Songs 30:2

Eh! You Da One In Charge! You da God fo me. I wen yell fo you help me, An you wen help my body Come good one mo time.

Songs 31:10

My life, all poho, Cuz I stay real sore inside. I ony goin live short time, Cuz all da time I stay moaning. Befo I strong, but now I ony tired, Cuz a da bad tings I wen do. Even my bones come weak.

Songs 32:3

Had one time, I neva tell notting Bout da bad tings I wen do, Dat time, my body wen come all weak An all day I ony stay moan real loud.

Songs 38:2

I stay plenny sore inside, Jalike you wen shoot me wit arrows. I feel jalike I all bus up, Jalike you wen false crack me.

Songs 38:3

Cuz you stay huhu wit me, All my body stay sick. Cuz I wen do bad kine stuff, I no can feel good.

Songs 38:7

I feel jalike I get one fever inside me, An I stay real hamajang.

Songs 51:8

Make shua I know Dat you wen hemo my shame. Den I can dance an sing an yell Cuz I stay good inside! Fo now, I feel all bus up. So make me feel good inside One mo time!

Outa Egypt 15:26

God tell dem, “You guys gotta lissen good to me, yoa God, Da One In Charge fo real kine. You guys gotta stay do da right ting in front me, an lissen wat I tell you guys fo do, an keep all da Rules. If you guys do all dat, den I no goin wack you guys wit all da kine sick dat I wen bring fo da Egypt peopo. Cuz me Da One In Charge, an I da one dat make you guys come good.”

Jeremiah 10:24

Show me wat da right ting fo me do Wen I stay do da wrong kine ting, But judge me da right way! No come huhu wit me wen you judge me, Cuz no good you make me come wipe out!

Jeremiah 17:14

“Da One In Charge make me come good all ova, Fo me come good fo real kine! Get me outa trouble, Fo me stay outa trouble. Cuz you da One I talk good bout.

Hosea 6:1

Da Israel peopo tell, “Go come, we go back by Da One In Charge. He wen rip us up, But he goin make us come good. He wen wack us guys, But he goin put one bandage on us.

Census 12:13

So Moses call out to Da One In Charge fo help, “Try help, God! Make her come good!”

Matthew 4:24

Erybody hear bout him, from dea all ova Syria side. Dey bring all da peopo wit all kine sick by him: erybody dat hurt, an suffa plenny, da peopo dat get bad spirits dat take ova dem, peopo dat shake an roll all ova, an peopo dat no can move. An Jesus make um all come good.

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.