Songs 6:10 - Hawaii Pidgin Bible

¹⁰ All da peopo dat stay agains me, Dey goin come shame an sked outa dea mind! Cuz dey real shame, Dey goin run away quick.

Songs 6:10 ပူးပေါင်းရင်းမြစ်များ

2 Kings 20:5

“Go back an tell Hezekiah, da leada guy fo my peopo, ‘Dis anodda message from me, Da One In Charge, da God fo yoa ancesta guy David. Tell um, I wen hear you pray awready, an see how you stay cry. Now, I da One goin make you come good. Da day afta tomorra, you goin go up by da Temple Fo Da One In Charge.

Job 6:29

Back off! No judge da wrong way! Tink one mo time, cuz you guys make jalike I do someting wrong, No matta I ony do wass right!

Songs 112:10

Da bad guys, dey see wass happening, An dey come bum out. Dey goin grind dea teet Cuz dey so mad an futless. Eryting fo dem goin come poho. Eryting da bad kine peopo like get, No goin come to dem!

Songs 132:18

I goin make shua, wen you tink bout Da peopo dat stay agains my king, You ony goin rememba Dat I put plenny shame on dem. But da crown on top da king head Goin shine so you no foget How awesome him!”

Songs 2:5

But den, he talk to dem, Cuz he huhu. He goin get real mad, An make dem real sked. Dis wat he goin tell:

Songs 25:3

Same ting fo all da peopo dat stay wait fo you Cuz dey shua you goin help um. No let dem come shame too! But da back stabbas Dat do um cuz dey like do um, Make dem come shame!

Songs 35:26

All da ones dat come good inside Weneva someting bad happen to me, I like fo dem get plenny shame Cuz a dat. Da ones dat ack big An make jalike I no good, I like fo peopo No show dem respeck notting.

Songs 5:10

Eh God! You da judge! So tell dem guys dat you gotta punish dem. Da tings dey make plan fo do, Make dose same tings wipe dem out. Throw um out, cuz dey go agains you!

Songs 55:20

Da guy dat was my fren wen go hurt me Wen eryting was good wit me an him. He wen make jalike he no need fo do Wat he wen promise fo do.

Songs 7:6

Eh! You Da One In Charge! Do someting! Get mad an stan up fo fight! Da guys dat stay agains me, Dey all huhu, so go afta dem! Do someting fo help me, You da judge dat tell wass right!

Songs 71:13

Da ones dat come agains me fo kill me, I like fo dem come plenny shame An come wipe out. Da ones dat stay look Fo how dey goin hurt me, I like fo peopo tell dem Az no good wat dey do, An I like fo nobody Get respeck fo dem.

Songs 71:24

All day, I goin talk plenny bout How you do da right ting erytime. Cuz da peopo dat wen look fo me Fo do bad tings to me, Dey shame now, an lose face!

Songs 73:19

Real fas, God make dem real sked An wase um! Horraz kine stuff Goin come on top dem, An dey goin mahke cuz a dat!

Songs 86:17

Do someting fo me fo show You get one good heart fo help me. Den, wen da peopo dat hate me see dat, Dey goin come plenny shame, Cuz you Da One In Charge, you help me, An you make um So notting bodda me.

Smart Guys 29:1

Da kine guy dat make deaf ear Cuz peopo tell um ova an ova He do wrong an he betta stop, Fo real Da One In Charge goin bring down dat guy one time. Cuz no way da guy can come good bumbye.

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Jeremiah 20:11

But Da One In Charge, he stay wit me Jalike one skery kine army guy. Az why da guys dat like give me hard time, Dey goin trip an fall down. Dey no goin win. Dey goin come real shame. Tings no goin come good fo dem. Nobody goin foget dat dey get shame all da time.

Malakai 3:18

Den you guys goin see jalike befo time, da peopo dat stay do wass right, dey stay diffren den da peopo dat stay do wass wrong, an da peopo dat work fo God stay diffren den da peopo dat no work fo God.”

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!