Songs 59:3 - Hawaii Pidgin Bible

³ Try look! Dey stay hide An wait fo jump me an kill me. Dey get plenny powa, An dey come togedda agains me. Eh! You Da One In Charge! I neva do notting Fo make dem guys come huhu, I neva do notting bad to dem.

Songs 59:3 ပူးပေါင်းရင်းမြစ်များ

Songs 140:2

Dem guys, dey erytime make plan Fo do bad tings, An all day dey go afta peopo Fo make um fight each odda.

Songs 2:2

Get king guys all ova da world stan up An tell wat dey goin do. Da leada guys come togedda fo talk Agains Da One In Charge An agains da spesho guy He pick fo come king!

Songs 38:12

Same time, da guys dat stay agains me Put up one trap fo catch me. Dey make one plan fo wipe me out. All day, dey figga how fo bulai me Fo kill me.

Songs 56:6

Dey meet fo make plan agains me. Dey hide fo make trouble, Cuz dey wait fo one chance fo kill me.

Songs 69:4

Da peopo dat stay hate me, An I neva do notting Fo make dem hate me, Get mo plenny a dem, Den I get hairs on top my head! Get choke plenny peopo Dat like kill me Fo make me shut up foeva! Dey stay agains me, But dey ony bulai bout me. Dey talk jalike I gotta give back someting Dat I neva take away from nobody!

Smart Guys 12:6

Wen da bad kine peopo talk, Az ony fo dem catch odda peopo Den bumbye dey can kill um. Wen da good kine peopo talk, Az fo get peopo outa trouble.

Smart Guys 24:15

No ack jalike one bad guy An go wait outside da house Wea one guy dat do wass right erytime stay, Fo you jump um an hurt um, Den go jam up da place wea he res.

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

John 15:25

But all dis stuff stay happen, jalike dea Rules tell, ‘Dey hate me fo notting.’

Jesus Guys 23:21

No do wat dey tell, cuz mo den forty guys stay hide an stay waiting fo him. Dey wen make one strong promise dat dey no goin eat o drink notting till dey kill um. Dey stay ready now. Dey stay waiting fo you fo do wat dey tell.”

1 Samuel 19:1

Saul tell his boy Jonathan an all his helpa guys fo kill David. But Jonathan get real plenny aloha fo David.

1 Samuel 24:11

You, you jalike my faddah fo me! Look! You see dis piece from yoa robe, hea inside my hand?! I wen cut off da corna from yoa robe, but I no kill you. Az why you gotta know fo shua dat I no mo da blame fo do someting bad. I no go agains you. I no do notting wrong agains you, but you stay hunt me fo kill me.

1 Samuel 24:17

“You stay do da right ting, mo den me. You do good kine stuff fo pay me back, but I do bad kine stuff fo pay you back.

1 Samuel 26:18

Den David tell, “Eh boss! How come you stay chase me, yoa worka guy?! I neva do notting wrong! Fo wat you like punish me?!