Songs 57:6 - Hawaii Pidgin Bible

⁶ Da peopo dat stay agains me, Dey wen make ready One net fo catch me. Cuz a dat, I wen feel all bum out. Dey wen dig one big hole Wea dey know I goin go, But dey da ones Wen fall down inside dea! (Time out fo da music.)

Songs 57:6 ပူးပေါင်းရင်းမြစ်များ

1 Records 29:10

David tell Da One In Charge “Mahalo” in front all da peopo dat come togedda dea, cuz Da One In Charge stay do good tings fo dem. David tell, “Eh! You Da One In Charge! Mahalo, cuz you do good tings fo us guys! You da God fo oua ancesta guy Israel. You stay from befo time an foeva.

1 Records 29:11

You da One stay real importan. You strong. You stay awesome. You da winna foeva! You stay unreals, Cuz you own eryting inside da sky an on top da earth. Da One In Charge, you get da right fo stay in charge a eryting! You get da right fo be da main One, dat stay ova eryting!

Songs 108:6

So, fo da peopo you get love an aloha fo, I like you get dem outa trouble! You get plenny powa, So do someting fo help dem.

Songs 140:5

Get peopo dat ack high makamaka Dat like put trap fo catch me. Dey spread out one rope net fo grab me. Dey put plenny trap Fo catch me by da road. (Time out fo da music.)

Songs 142:3

Wen I come weak inside, Still yet, you da one dat know Da way fo me go. Cuz wea I walk, Az jalike peopo hide traps dea.

Songs 143:4

Inside, I feel jalike I goin pass out, Inside, I all sked.

Songs 145:14

Wen peopo fall down, Da One In Charge let um lean On top him fo dem stan up. Jalike dey all bend ova Wit heavy kine stuffs fo carry, An he help um stan up.

Songs 42:6

Eryting inside stay all bum out. Still yet, I goin tink plenny Bout you, my God, No matta I stay on top Mount Hermon O on top da Mizar Hill, An inside da land Wea da Jordan Riva start.

Songs 8:2

Even da tings dat come Outa da mout a kids an small bebes, You use dat! You show you get da powa Fo handle da peopo dat stay agains you An hate you An like pay you back.

Smart Guys 28:10

Wen somebody bulai good kine peopo Fo make um go da wrong way, Jalike dey stay dig one hole fo trap da good guys, But dey da ones goin fall inside. But da kine peopo dat do da right ting erytime, God goin give dem good tings Cuz dey his kids.

Smart Guys 29:5

Wen you talk nice kine fo bulai anodda guy, Watch out! Jalike you put down one net Fo trap yoa feets!

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Census 14:21

But fo shua no foget dis: Me, Da One In Charge, an I stay alive, an fo shua I awesome, an I fill up da whole earth!