Songs 56:9 - Hawaii Pidgin Bible

⁹ Den bumbye, wen I yell fo help, Da guys dat stay agains me Goin turn aroun an run away. I know dis: God stay on my side.

Songs 56:9 ပူးပေါင်းရင်းမြစ်များ

2 Kings 20:5

“Go back an tell Hezekiah, da leada guy fo my peopo, ‘Dis anodda message from me, Da One In Charge, da God fo yoa ancesta guy David. Tell um, I wen hear you pray awready, an see how you stay cry. Now, I da One goin make you come good. Da day afta tomorra, you goin go up by da Temple Fo Da One In Charge.

Songs 102:2

Right now, I stay presha out, So no go look da odda way! Lissen to me, An do someting fo me real quick Cuz I stay yelling fo you help me!

Songs 118:6

Da One In Charge, he back me up. Az why I no need come sked notting. So wat odda peopo can do to me?! Notting!

Songs 27:2

Weneva da bad kine peopo attack me Jalike fo eat me up, Dey da ones dat goin come tired an fall down, not me.

Songs 46:11

Da One In Charge, Da God Ova All Da Armies, He stay right hea wit us guys! He da God Dat oua ancesta guy Jacob Wen pray to. He da One dat make shua Nobody attack us guys! (Time out fo da music.)

Songs 46:7

Da One In Charge, Da God Ova All Da Armies, He stay right hea wit us guys! Him da God dat oua ancesta guy Jacob wen pray to, God one strong wall Dat no let nobody attack us guys! (Time out fo da music.)

Songs 9:3

Da guys dat stay agains me, Dey turn aroun. Wen dey come in front you, Dey trip an fall down, An dey come wipe out.

Jeremiah 33:3

He tell: ‘Call out to me fo help you. I goin ansa an tell you importan tings you gotta know— Secret kine tings Dat you neva know befo time An you no can figga um out.’ ”

Malakai 3:16

But den, get da odda peopo dat stay feel jalike dey real sked wen dey in front Da One In Charge. All dem talk wit odda guys dat tink da same ting jalike dem. Da One In Charge, he lissen plenny an hear wat dose guys tell. He write down eryting on top one paypa dat stay in front him, fo no foget wat da peopo tell. Da One In Charge do all dat fo da ones dat stay feel jalike dey real sked in front him, an dat tink plenny bout wat kine god he stay.

John 18:6

An you know wat? Wen Jesus tell dem, “I da guy,” dey back up an fall down on top da groun.

Rome 8:31

So den, wat you tink bout all dis? God stay fo us guys to da max. Cuz God stay lidat, who goin go agains us? No mo nobody!