Songs 56:1 - Hawaii Pidgin Bible

¹ Eh God! Do good tings fo me! Cuz get peopo dat like catch me Fo bus me up. All day dey stay fight me An put presha on me.

Songs 56:1 ပူးပေါင်းရင်းမြစ်များ

Songs 106:17

Dat time, da groun open up An jalike swallow Datan An bury all da peopo Dat follow Abiram.

Songs 124:3

An come real mad wit us, Den, jalike dey wen eat us alive. But dat neva happen.

Songs 136:10

Da One In Charge, he wen kill Da numba one boys fo da Egypt peopo, Cuz he stay tight wit his peopo foeva!

Songs 136:15

He wen wipe out da Pharaoh guy An his army guys inside da Red Sea, Cuz he stay tight wit his peopo foeva!

Songs 143:12

You stay tight wit me cuz I yoa guy, So make da ones dat stay agains me Shut up. Wipe out all da ones Dat make humbug to me, Cuz I yoa worka guy.

Songs 16:1

Eh God, no let notting bad happen to me! I trus you fo proteck me.

Songs 21:9

Wen you face all dose peopo, You goin wipe um out Jalike you put um inside one deep hole wea get fire. Da One In Charge, he stay huhu wit dem. Dass why he goin wipe um out. Dey goin mahke, jalike da fire eat um up.

Songs 27:2

Weneva da bad kine peopo attack me Jalike fo eat me up, Dey da ones dat goin come tired an fall down, not me.

Songs 31:9

Eh! You Da One In Charge! Do good tings fo me, Cuz I get all kine presha! My eyes, tired Cuz I stay sad inside an cry plenny. My body, an inside me, same ting.

Songs 35:25

No let dem go figga, “Ho, us guys get wat we like!” No let dem tell, “Us guys wipe him out awready!”

Songs 58:1

Eh you leada guys! Az true, o wat?! Wen you tell wat peopo gotta do, You suppose to tell um wass right. But you no do dat! Wen you judge da peopo, You suppose to make Same kine to erybody, But still yet you guys make Diffren kine to diffren peopo!

Songs 59:1

Eh God! You da God fo me! Get me outa trouble From da peopo dat stay agains me! Wen dey come fo attack me, Make shua dey no hurt me!

Songs 59:10

Da God dat erytime stay tight wit me, He goin show up wea I stay Fo help me. Da peopo dat scope me out fo attack me, God goin let me see Wat he goin do to dem.

Songs 60:1

Bummahs, God! You no give a rip fo us, o wat?! You wen dump all us guys! You wen let da odda army guys Smash thru oua line! You wen stay huhu wit us! Now, we like you make us Come okay one mo time!

Smart Guys 1:12

No matta dey alive, we take um, brah, Jalike da Mahke Peopo Place take da mahke peopo. No matta dey feel good, we take um out, Jalike dey fall down inside one big hole.

Sad Song 2:16

All da peopo dat stay agains you guys make fun a you. Dey laugh an grind dea teet. Dey tell, “Fo shua, jalike us guys wen swallow dem! We wen wait long time fo see dis happen!”

Sad Song 2:2

Jalike da Boss wen wase all da houses fo da Jacob peopo. He no mo pity fo dem. He bus up da strong wall aroun da Judah peopo, Cuz he stay real huhu agains da peopo. He make da king an da princes lose face. He bring um down to da groun, Cuz nobody get respeck fo dem now.

Sad Song 2:5

Da Boss come jalike one guy dat stay agains us guys, He wase da Israel peopo. He wase all dea palaces. He bus up dea strong wall. He make plenny Judah peopo moan Cuz dey stay real sad inside.

Hosea 8:8

Az jalike odda peopo swallow da Israel peopo. Now da Israel peopo come jalike one a da odda peopos Dey jalike one ol pot dat not worth notting!

1 Corint 15:54

Dat time, da body dat come rotten goin come diffren kine, an no goin come rotten fo shua no moa! Dat body dat mahke now goin come diffren kine, an no goin mahke no moa! Wen all dis happen, goin happen jalike da Bible tell from befo time: “Us guys no goin mahke no moa, Cuz Christ, he da winna ova dat!”

1 Samuel 29:4

But da Filisha officer guys come huhu wit Akish, an tell him, “Make da buggah go back dea to da town wea you wen tell him fo stay in charge! No way he goin go wit us guys fo fight! Bumbye, he goin change his mind an go agains us guys wen we stay fight! Maybe he tink, if he go cut off oua guys heads fo shua King Saul goin let him come back!