Songs 55:2 - Hawaii Pidgin Bible

² Lissen up an do someting! Get stuff dat bodda me plenny. Az why I no can res. I stay all futless

Songs 55:2 ပူးပေါင်းရင်းမြစ်များ

Songs 17:1

Eh! You Da One In Charge! I stay tell you Fo do da right ting fo me, so try lissen! I stay yell to you fo help me, So try lissen real good! I stay pray to you, An I no bulai notting.

Songs 32:3

Had one time, I neva tell notting Bout da bad tings I wen do, Dat time, my body wen come all weak An all day I ony stay moan real loud.

Songs 38:6

I no can stan up strait, cuz real sore. Ery day, I feel sad, Jalike wen somebody mahke.

Songs 43:2

Cuz you da God fo me. You jalike One strong wall so I no get hurt. So, how come you wen dump me?! How come I gotta live real sore inside, An da peopo dat stay agains me, Dey erytime come afta me?!

Songs 64:1

Eh God, I like tell Wat stay bodda me, so lissen! I stay sked an shaking Cuz a da ones dat stay agains me. Make shua I no mahke!

Songs 66:19

But fo shua, Wen I pray, he lissen.

Songs 77:3

I tink bout God, an I moan. I tink plenny bout stuff, An jalike I pass out inside. (Time out fo da music.)

Isaiah 38:14

I make noise jalike da swallow bird o da heron bird. An make sad kine noise jalike one dove. I try fo look up to you in da sky, But my eyes too tired, I can ony look down. I get plenny presha! Help fo take kea me, my Boss!

Isaiah 59:11

All us guys make sad kine noise jalike da bear. We soun sad jalike da dove. We stay wait fo God da Judge tell Dat us guys do da right kine ting, But he no tell notting. We stay wait fo somebody get us outa trouble, But dey too far away from wea us guys stay.

Sad Song 3:56

You wen hear wat I yell, “No make deaf ear! Let me breave some moa, wen I yell to you fo help me!”