Songs 54:7 - Hawaii Pidgin Bible

⁷ You get me outa All kine trouble awready, An I wen see awready wat you do Bout da peopo dat stay agains me.

Songs 54:7 ပူးပေါင်းရင်းမြစ်များ

Start 48:16

An he da angel messenja guy dat get me outa all kine trouble. Eh God! Do good kine stuff fo dese boys! Dey goin carry my name, An my faddah guys name too, Abraham an Isaac! Make um come big an plenny peopo, hea inside dis world!”

2 Samuel 4:9

But David tell Rekab an his braddah Baanah, Rimmon boys from Beerot, “Fo shua Da One In Charge stay alive, an he do wat he gotta do fo make shua I stay alive, no matta get all kine trouble.

Songs 112:8

Dat kine guy no come sked, Cuz inside he stay solid. He know dat he goin face Da ones dat stay agains him, An he goin be da winna.

Songs 118:7

Da One In Charge, he stay back me up An help me. Wen Da One In Charge win Ova da peopo dat hate me, I goin see him do um.

Songs 143:12

You stay tight wit me cuz I yoa guy, So make da ones dat stay agains me Shut up. Wipe out all da ones Dat make humbug to me, Cuz I yoa worka guy.

Songs 34:19

Get plenny bad tings happen To da peopo dat stay do da right ting. But Da One In Charge Goin get um outa all dat.

Songs 34:6

Me, I ony one guy dat no mo notting. I wen yell fo somebody help me. Da One In Charge, he wen hear me! He wen get me outa all kine trouble!

Songs 37:34

Wen you stay wait Fo Da One In Charge do stuff fo you, Make shua you do eryting How he like. He goin make you come importan Fo you take ova da land. An wen he cut off da peopo Dat do bad tings, You goin see um happen.

Songs 59:10

Da God dat erytime stay tight wit me, He goin show up wea I stay Fo help me. Da peopo dat scope me out fo attack me, God goin let me see Wat he goin do to dem.

Songs 91:8

You ony gotta look, An you goin see how God Pay back da peopo dat do bad tings.

Songs 92:11

I see awready wat wen happen To da guys dat stay agains me. I hear awready wat wen happen To da bad peopo dat come fo fight me.

2 Timoty 4:18

Erytime peopo like do bad kine stuff to me, Da One In Charge goin make shua dat notting bad happen to me. He goin take me outa all dat, an take me to da sky, wea he da King. I like erybody tell how awesome he stay, an I like fo dem tell dat foeva an eva! Az right!

1 Samuel 26:24

Fo shua I wen make to you jalike yoa life importan, wen I neva kill you today. So same ting, I like Da One In Charge show me respeck an no let you kill me, an get me outa all kine trouble too!”