Songs 54:6 - Hawaii Pidgin Bible

⁶ I goin make one sacrifice fo you, Jus cuz I like do um. I goin sing bout wat kine god you, Cuz you good, Da One In Charge.

Songs 54:6 ပူးပေါင်းရင်းမြစ်များ

Songs 107:22

Good dey make one sacrifice Fo tell God “Mahalo!” An tell da story Bout all da tings God stay do. Good dey yell Cuz dey stay good inside!

Songs 116:17

I goin call fo you help me, Cuz I know wat kine god you, An I goin make one sacrifice fo you, Fo tell you “Mahalo plenny!”

Songs 118:7

Da One In Charge, he stay back me up An help me. Wen Da One In Charge win Ova da peopo dat hate me, I goin see him do um.

Songs 140:13

An dis fo shua too: Da peopo dat erytime Do da right ting, Dey goin tell good tings bout you Cuz dey know who you. Da ones dat do wass right, Dey goin live togedda wit you.

Songs 147:1

Eh you guys! Tell good tings Bout Da One In Charge! Cuz az good, you know, Us guys sing fo oua God. Az nice, we tell good tings bout him.

Songs 21:13

Da peopo tell: Eh! You Da One In Charge! Stan up an show yoa powa! Come, all us guys goin sing, An tell erybody bout da powa you get!

Songs 50:14

You know wat da real kine sacrifice You suppose to make Fo me, yoa God? You gotta tell me ‘Mahalo!’ Fo wat I do, An wateva promise you wen make to me, Do um. Dass da real kine sacrifice.

Songs 52:9

I goin tell erybody I yoa guy, all da time, You da one wen do all dat. In front da peopo dat stay tight wit you, I goin tell wat kine god you, Cuz you real good!

Songs 7:17

I goin tell erybody dat Da One In Charge, he da bestes Cuz he do da right ting erytime! I goin sing so peopo know wat kine god him, Da One In Charge, da God Dass Mo Importan Den All Da Odda Gods!

Songs 92:1

Good, fo tell erybody Dat you da greates, Da One In Charge! Good, fo make music Fo erybody know who you, Da God Dass Mo Importan Den All Da Odda Gods!

Isaiah 50:7

Da One In Charge a me, He da One help me. Dass how come I no come shame Cuz a wat dey do. Dass why I stick wit wat I goin do, An I no goin change my mind. I stay shua dat I no goin come shame.

Isaiah 50:9

Fo shua, Da One In Charge a me, he help me. Cuz a dat, wat guy can show me Dat I wen do someting bad An I need fo you punish me?! No mo nobody! All dem guys dat stay agains me, Dey had it, jalike da boros clotheses. Da moth eat um up.