Songs 54:1 - Hawaii Pidgin Bible

¹ Eh God! Get me outa trouble, Cuz dass da kine God you. You one strong judge, So tell peopo I neva do notting bad.

Songs 54:1 ပူးပေါင်းရင်းမြစ်များ

2 Records 20:6

He tell: “You Da One In Charge, you da God fo oua ancesta guys. Fo shua you da God dat tell us wat fo do from inside da sky. You da One in charge a da kings ova all da peopos. You strong an get plenny powa fo fight. No mo nobody can stan up agains you.

Songs 20:1

Eh king! Wen get big trouble An you like yell fo Da One In Charge help you, I like fo him help you. I like fo God make shua notting bad happen to you, my king, Cuz you know wat kine god him, Da One oua ancesta guy Jacob wen pray to.

Songs 26:1

Eh! You Da One In Charge! You da judge, So tell erybody I neva do notting bad! Cuz da way I live, I do eryting how I suppose to do. I stay trus you, Da One In Charge, An I no change my mind.

Songs 48:10

Eh God, get peopo Inside da mos far place On top da earth, Dat know wat kine god you, An dat tell dat you da greates. You get da powa Fo do da right ting erytime.

Songs 79:9

You da God dat stay get us outa trouble, So help us! Den peopo goin know wat kine god you An how awesome you stay. Get us outa trouble, an let us go. An hemo da shame fo da bad tings Us guys wen do! Den peopo goin know Wat kine god you.

Songs 99:4

Eh God! You da strong king. You get love an aloha Fo whoeva do da right ting! You da One dat tell Wass da bestes way fo da Israel peopo An you set up da rules fo dem, How fo do wass right.

Outa Egypt 23:21

Make shua you lissen him good wen you wit him, an do wat he tell you fo do. No go agains him wit bad attitude. Cuz if you guys go agains wat he tell, he goin had it wit dat cuz he get his powa from me.

Smart Guys 18:10

Wen da peopo dat stay do wass right Know fo shua, wat kine god Da One In Charge, Den Da One In Charge goin take kea dem. Jalike Da One In Charge one strong towa fo dem Wea dey can run inside fo hide.

Smart Guys 23:11

Cuz God, he da One get da kuleana Fo take kea dem, An he real strong. He goin talk to da judge fo dem, An agains you.

Isaiah 30:27

Look! You know wat kine god Da One In Charge! Now he come from one far place. He stay real huhu, Jalike he stay burning, An plenny smoke stay coming outa him! He ony talk bout Wat da guys dat stay agains him stay do. He no goin take dat. Wen he talk, jalike wat he tell, Goin burn eryting up.

Jeremiah 50:34

But da One dat goin get da Israel peopo outa trouble, stay strong. Dass Da One In Charge, da God Ova All Da Armies, Az wat kine god him. He goin stan up fo dem Fo dem res real good inside dea land. But he goin bring trouble Fo da peopo dat live inside Babylon.”

Matthew 1:21

She goin born one boy, an you goin name um Jesus, cuz he goin get his peopo outa da kine bad stuff dey do.”

Matthew 1:23

“Lissen up! One young wahine Who neva sleep wit nobody, Goin get hapai. She goin born one boy. Dey goin name him Emmanuel.” (“Emmanuel” mean, “God stay hea now wit us guys.”)

Matthew 10:21

“One braddah goin set up his braddah fo mahke, an one faddah goin set up his kid, an kids goin fight wit dea muddah an faddah, an dey goin set um up fo mahke.

Jesus Guys 4:12

“No mo nobody dat can take da peopo outa da bad kine stuff dey stay do. No mo nobody in da whole world dat we gotta stay tight wit fo him take us outa da bad kine stuff we stay do. God give us ony Jesus fo do dat.”

1 Samuel 26:1

Da Zif peopo go by Saul Gibeah side, an tell, “David stay hide on top da Hakilah hill, da side wea can see da boonies Judah side!”