Songs 53:1 - Hawaii Pidgin Bible

¹ Inside, da stupid peopo tink, “No mo God!” Dat kine peopo, Dey ony like bus up stuff. An do pilau kine tings, No mo even one a dem Dat do good kine stuff!

Songs 53:1 ပူးပေါင်းရင်းမြစ်များ

1 Kings 12:26

Cuz Jeroboam figga, “If I no do notting, bumbye da David ohana peopo from da Judah ohana, an dea king, goin take ova one mo time.

1 Kings 14:24

Dey even get men kine prostitutes inside da land dat stay spesho fo da odda gods. Dey do all kine bad stuff wit da wahines, an da wahines even pay um fo sex. An all da pay dey get go to da places wea da peopo pray to da odda gods. Da peopo stay do all kine pilau kine stuff jalike how da odda peopos stay do, da same peopos Da One In Charge wen kick outa da land wen da Israel peopo come dea.

Job 14:4

Wen get somebody dat no mo da right fo go in front you, No mo nobody can give um dat right, ony you.

Job 15:16

Even mo den dat, peopo no stay clean inside. Dey do real pilau kine stuff. Dey like do bad kine stuff jalike dey like drink watta.

Songs 10:11

Da bad guys, dey tink, “God, he foget awready! God look da odda way, Fo make jalike he neva see notting.”

Songs 10:13

Eh God! How come da bad guys tink you notting?! Dey even tink you no goin pay dem back!

Songs 10:4

Dese big head guys, Dey no like know God. All da time dey tink, “Weneva us guys make one plan fo do bad kine stuff, No need tink bout God!”

Songs 10:6

Dem buggahs, dey tink in dea head, “Me, I stay solid, Notting goin throw me off! Me, I not goin get trouble, Me, an all my ohana, foevas!”

Songs 88:1

Da One In Charge, you da God Dat get me outa trouble. Day an nite time I yell fo help In front you,

Songs 92:6

But fo da kine peopo Dat donno how fo tink good, Get stuff dey no goin know. Da dumb buggahs dat tink Dey no need learn notting, Dey no can undastan Wat I goin tell now.

Ezekiel 16:47

Fo shua, you wen live jalike dem, an do da same pilau kine stuff dat dey do. But you wen make mo worse den dem.

Ezekiel 16:51

Da Samaria peopo no do half da bad kine stuff dat you Jerusalem guys wen do. You guys wen do mo pilau kine stuff den da Samaria peopo. You make yoa sistah towns look jalike dey do da right kine stuff.

Matthew 5:22

But I tell you guys dis: Whoeva stay huhu wit his braddah gotta come in front da judge. Whoeva tell his braddah, ‘You no good!’ gotta come in front da main leadas. But whoeva tell, ‘You stupid an good fo notting!’ gotta go to da Hell fire.

Luke 12:20

But God tell, ‘Eh brah! Wat you tinking! Tonite you goin mahke! Den who goin get all da stuffs you wen stack up?’

Rome 1:21

Dey know bout God, but dey no like tell him, “Eh, you stay awesome cuz you stay God!” Dey no like tell um “Mahalo plenny!” Dass why ony poho wat dey tink bout God. Cuz dey no undastan notting, jalike eryting come all dark inside dem.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Efesus 5:12

Cuz da kine stuff dem guys do an nobody know, az shame fo even talk bout dat kine stuff.

Rules Secon Time 12:31

You guys make shua you no go down an pray to yoa God, Da One In Charge, da same way dey go down an pray to dea gods, cuz dey do all kine pilau kine stuff dat Da One In Charge hate. Dey even kill dea boys an girls an burn up da bodies wit fire fo make one sacrifice fo dea gods.

1 Peter 4:3

Befo time you guys had plenny time fo do any kine bad kine stuff, jalike da peopos dat donno God. Dey make any kine. Dey like fool aroun somebody dey no stay married to, dey get piloot, dey ack wild, dey ony like party too much. No matta dey not suppose to, dey go down an pray to da idol kine gods.