Songs 52:6 - Hawaii Pidgin Bible

⁶ Da peopo dat stay do wass right, Dey goin see wat happen to you, An dea jaw goin drop. Den dey goin laugh at you. An dey goin tell,

Songs 52:6 ပူးပေါင်းရင်းမြစ်များ

Job 22:19

“Da guys dat do da right kine stuff, Wen dey see bad kine tings happen to da bad guys, Dey stay good inside. Da peopo dat neva do notting wrong, Dey make fun a da bad guys.

Songs 119:120

I come all sked an shaking All ova my body wen I tink bout you, Cuz you da Judge. An I sked you goin punish me Fo no do wat you tell was right.

Songs 120:2

Eh! Da One In Charge! Get me outa trouble! Peopo come afta me Fo bulai me an scam me.

Songs 37:34

Wen you stay wait Fo Da One In Charge do stuff fo you, Make shua you do eryting How he like. He goin make you come importan Fo you take ova da land. An wen he cut off da peopo Dat do bad tings, You goin see um happen.

Songs 40:3

He wen put inside my mout One song I neva sing befo, One song dat tell How awesome oua God stay. Goin get plenny peopo Dat goin see wat he wen do. Dey goin come all sked cuz a dat, An den, dey goin trus Da One In Charge!

Songs 64:9

All da peopo goin come sked. Dey all goin talk bout da tings Dat God stay make happen, Dey goin undastan wat God wen do.

Songs 97:8

Da One In Charge, wen you judge peopo, You judge um da right way erytime. Az why da peopo dat live Mount Zion Hear bout Da One In Charge, An stay good inside. Same ting fo da peopo Dat live in da odda towns All ova da Judah land!

Smart Guys 12:19

Wen you tell da trut, Erybody goin know az right, No matta how long time afta. But wen you bulai, Short time awready, dey know az wrong.

Isaiah 37:22

dis wat I tell agains Sennakerib: “ ‘My peopo inside Jerusalem town Dey jalike one young wahine Dat tink you no good, an dey laugh at you. Jalike one wahine dat shake her head an look Wen you stay run away!

Malakai 1:5

An you Israel peopo goin see all dat happen, an you goin tell: ‘Eh! Da One In Charge get plenny mo powa den jus inside da Israel land!’ ” An Da One In Charge tell, “Dass how I show I love you guys.”

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”