Songs 52:1 - Hawaii Pidgin Bible

¹ Eh, you tough guy! How come you talk big Wen you do bad kine stuff?! (But God stay tight wit me All da time.)

Songs 52:1 ပူးပေါင်းရင်းမြစ်များ

Songs 10:7

Dey put kahuna on top peopo, Dey bulai, Dey put presha on peopo. Dey ony mout, so pilau wat dey tell, Dey talk ony bout how fo do bad kine stuff.

Songs 103:17

But Da One In Charge, He stay tight wit his peopo From long time befo time, An till long time from now, Da ones dat get choke respeck fo him. Da peopo dat stick wit da deal God wen make, An no foget fo do Da tings he wen tell um fo do, He goin do wass right fo dem An fo dea kids an grankids too!

Songs 107:1

Eh you guys! Tell good tings Bout Da One In Charge, cuz he good, An he stay tight wit his peopo foeva!

Songs 54:3

Cuz get peopo I donno Dat stay come agains me. Dese da kine guys dat no bodda dem wen dey hurt peopo. Dey da ones dat like kill me! An dey no give a rip bout you, God. (Time out fo da music.)

Songs 59:7

Look dem ova dea! Dey talk bad plenny. Da tings dey tell, Sharp jalike swords fo hurt peopo. But dey tink, “Eh! no mo nobody goin hear!”

Songs 7:14

You know wat? Da bad kine peopo, Dey jalike wen one wahine come hapai, Den go born da bebe. Dey tink how fo do bad tings, An tink how fo make trouble happen, Den dey go bulai peopo.

Songs 94:4

Da tings dey tell cuz dey tink dey big Come out plenny from dea mout, An no bodda dem! All dem crooked guys stay talk big Bout da bad tings dey do.

Outa Egypt 22:9

Same ting, fo any odda kine ting wea one guy tink anodda guy get his stuffs, an he not suppose to (one cow, o one donkey, o one sheep, o one clothes, o someting da guy wen lose). Da guy dat own um tell, “Eh! Dass mines!”—but gotta check out wat da two guys tell in front God. Da one dat God tell wen do one bad ting, he gotta pay back da odda guy double wat da ting cost.

Smart Guys 6:14

Eryting inside dea head, all crooked. All da time, dey tink how fo do bad kine stuff, An fo make peopo fight wit each odda.

Smart Guys 6:18

Peopo dat use dea head fo make one plan Bout how fo do wrong kine tings, Peopo dat use dea feets Fo hurry up an go do bad kine stuff,

Isaiah 59:4

No mo nobody fo tell peopo Dey betta do da right ting. Wen peopo talk in front da judge, Nobody tell um da trut. Dey tink az good, Fo tell stuff dat no mean notting, An talk bout wase time kine stuff, An make trouble, An cuz a dat, bad kine stuff happen. Jalike one wahine come hapai, An cuz a dat, she born one bebe.

Jeremiah 41:4

Da day afta dey kill Gedaliah, an befo odda peopo know bout dis,

Jeremiah 9:8

Wateva dey tell, az jalike one poison arrow Cuz dey bulai. Dey tell dea frenz, ‘I like eryting come good fo you,’ But inside, dey make plan fo jump um an kill um.

Micah 7:3

Fo do bad kine stuff, dey go all out! Da alii guys aks fo gifs fo make dem come rich. Da judge guys aks fo unda da table kine money fo do dea job. Da importan guys tell wat dey like erytime. Dey all make plan togedda fo do um.

Rome 1:30

Dey talk bad bout odda peopo. Dey erytime hate God. Dey ack real high makamaka fo peopo no come by dem. Dey tink dey it. Dey talk big. Dey try tink how dey can make eryting hamajang. Dey no lissen wat dea muddah an faddah guys tell um fo do.

2 Timoty 3:2

Peopo ony goin tink dey da mos importan guy. Dey goin like get money fo ony dem. Dey goin like talk big bout ony dem. Dey goin ack jalike dey mo betta den da odda peopo. Dey goin talk bad bout odda peopo. Dey no goin do wat dea muddah an faddah tell um fo do. Dey no goin even like tell “Mahalo” wen somebody make nice to dem. Dey no goin show respeck fo wass good.

1 Samuel 21:7

Had one guy name Doeg, from da Edom land. He one a Saul worka guys, da one dat stay in charge a da guys dat take kea da sheeps fo Saul. Dat day, he gotta stay Nob side fo go in front Da One In Charge dea.