Songs 51:6 - Hawaii Pidgin Bible

⁶ Fo shua you feel good wen I tell da trut, Even bout da secret kine tings Dat nobody but me know. So help me know fo real kine Wat I gotta do Bout da stuff I stay hide.

Songs 51:6 ပူးပေါင်းရင်းမြစ်များ

2 Samuel 12:13

David tell Nathan, “Was real bad, dis ting I wen do agains Da One In Charge!” Nathan tell, “An Da One In Charge, he let you go awready fo da bad ting you wen do. You no goin mahke from dis.

2 Kings 20:3

“Da One In Charge! Try no foget, dat all da stuff I do, I no hide um from you. I try erytime fo be da kine guy you can trus, an do eryting I promise fo do. I wen try fo make shua I do ony da kine stuff dat you tell az good.” Den Hezekiah cry real hard.

1 Records 29:17

My God, I know fo shua dat you da One tes eryting us guys tink. I know fo shua dat you stay good inside wen us guys do wass right. I wen give all dis stuff cuz I like give um fo real kine. An now I stay good inside cuz I see yoa peopo dat stay hea, giving you plenny stuff cuz dey like give um.

Job 32:8

But fo shua, Da spirit inside peopo dat make um undastan stuff, Dass wat importan. Dass wat Da God Dat Get All Da Powa breave inside um, An dass wat help peopo fo undastan stuff.

Job 38:36

Who make somebody come fo dem know inside wat fo do erytime? Who make dea head undastan stuff?

Songs 125:4

Eh! You Da One In Charge! Try do good tings Fo da good kine peopo, Da ones dat get One good heart fo do da right ting.

Songs 15:2

Da One In Charge tell: “Fo get da right fo stay wit me, Dey gotta be da kine peopo Dat live so dat nobody can poin finga dem. Dey do da right ting erytime. Dey tell da trut erytime Cuz no mo notting inside dem dey like hide.

Songs 26:2

So tes me, Da One In Charge. Make me pass yoa tes. Hemo all da junks I get inside, Look deep inside me, An look inside my head.

Songs 32:5

But den, I wen tell you fo real kine Dat I wen do bad tings, An I no try fo hide no moa Wat I know was wrong fo me do. I wen make up my mind, Dat I goin tell Da One In Charge All da tings I wen do agains you. Cuz a dat, you wen let me go, An hemo da shame Fo da bad tings I wen do. (Time out fo da music.)

Songs 41:5

Da guys dat stay agains me talk bad bout me. Dey tell: “We like him mahke! We like his name get wipe out An erybody foget who him!”

Songs 5:9

Dem guys, no can trus wat come outa dea mout. Inside, dey ony like wipe out peopo. Dey talk nice kine, But ony fo bulai you. You lissen wat dey tell, Jalike you goin fall down Inside one open grave an mahke.

Smart Guys 2:21

Cuz da peopo dat erytime do da right ting, Ony dem goin live long time on top dea ohana land. Da peopo dat you no can poin finga dem, dey goin stay dea.

Smart Guys 2:6

Cuz Da One In Charge, he da One Dat teach peopo wat fo do. Da stuff he tell, Dass wat goin make you know stuff An undastan stuff.

Jeremiah 12:1

“You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Jeremiah 31:33

Da One In Charge tell, “Dis da deal I goin make wit da Israel peopo afta dat time: I goin put my rules inside dem. Jalike I write um inside dea head. Den I goin come dea God, an dey goin come my peopo.

Jeremiah 32:40

I goin make one deal wit dem dat goin las foeva: I still yet goin do good kine stuff fo dem, fo dem show respeck fo me, an dey no goin tell “Laytas” to me.

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Luke 11:39

An Jesus, Da One In Charge, tell him, “You know, you Pharisee guys, jalike you guys clean ony da outside a da cup an da plate. But inside you, stay full a bad kine stuff, an you like stash eryting fo ony you!

Rome 7:22

I stay real good inside wen I tink bout da Rules from God.

2 Corint 1:12

Dis how come we talk big. Fo shua us guys know we do wat God like us fo do. Us do um jus cuz we like do um, fo erybody see dat God make us guys do wass fo real. Us no do um wit da kine smarts da peopo get, but wit da kine smarts dat God give us cuz he get one good heart. Az how us wen live in dis world, an even mo plenny how us guys wen make fo help you guys.

James 4:8

So, come close to God, an he goin come close to you. Eh, you guys dat stay do da bad kine stuff—go clean up inside! You guys dat stay ack jalike you get two brain, you gotta make shua you all clean fo God!

1 Peter 3:4

Wat mo importan, yoa good looks gotta come from da inside, an dis stuff goin las foeva, jalike wen you do eryting nice kine, an no make one big deal about notting. God tell, “Dat kine worth plenny to me.”

1 Samuel 16:7

But Da One In Charge tell Samuel, “No ways! No look da outside, how he look o how tall he stay. Cuz I no goin pick him. I no look fo da tings dat peopo like see. Peopo ony look wat stay da outside a peopo. But me, Da One In Charge, I look wat stay inside da peopo.”