Songs 51:14 - Hawaii Pidgin Bible

¹⁴ Eh God! Let me go, an hemo my shame, Cuz I wen set up one guy fo mahke! Eh God! You my God, Da One dat get me outa trouble! Az why I can make big noise An let erybody know Bout how you erytime Do da right ting!

Songs 51:14 ပူးပေါင်းရင်းမြစ်များ

Start 42:22

Den Reuben talk. He tell um, “No foget, I wen tell you guys dat time, ‘No do notting fo hurt da boy!’ But you guys neva like lissen. An now, wat?! Jalike us guys gotta pay fo his blood!”

Start 9:6

“Whoeva go make somebody bleed an mahke, Somebody gotta make dem bleed an mahke too. Cuz God wen make da peopo Jalike dey one picha, Fo look jalike him, same same.

2 Samuel 12:9

Me, Da One In Charge! I tell peopo wat dey gotta do an wat dey gotta no do. So! How come you ack jalike wat I tell no mean notting?! Da way I see um, dis ting dat you wen do, az real bad! You wen murda Uriah da Het guy, an steal his wife fo come yoa wife. Az jalike you use da Ammon guys sword fo kill him.

2 Samuel 21:1

One time wen David stay king, food no grow inside da land fo three year cuz no mo rain. So David go in front Da One In Charge fo aks how come. Da One In Charge tell, “Az cuz Saul an his ohana wen kill plenny guys from Gibeon town.” (Da Gibeon peopo no come from Israel, you know. Dey some a da Amor peopo dat still yet stay alive. Befo time, da Israel guys wen make one strong promise fo no kill dem. But layta, wen Saul wen go all out fo da Israel an Judah peopo, he try fo kill all da Gibeon peopo.) Da One In Charge tell, “Az cuz Saul an his ohana wen go kill plenny guys from Gibeon town dat stay lidis.”

2 Samuel 3:28

Laytas, David hear wat wen happen. He tell, “Me an my peopo, us no mo da blame fo murda Abner, Ner boy! I tell dis in front Da One In Charge foeva!

Ezra 9:13

“You wen punish us plenny awready, fo da bad tings we wen do an fo da shame we get cuz a dat. Still yet, you ony punish us litto bit fo da bad tings us wen do. An you let some a oua peopo come back hea.

Nehemiah 9:33

You wen do da right ting Fo eryting dat happen to us guys. Cuz we can trus you fo do Wat you tell you goin do. But us guys know fo shua Dat we wen do bad kine stuff.

Songs 25:5

Show me how fo live da true way, An teach me stuff I need fo know. Cuz you da God fo me, Da One dat get me outa trouble. All da time, I know fo shua you goin help me. Az why az okay fo me wait.

Songs 26:9

Wen you go afta da peopo dat do bad kine stuff, No take away my life, same time. Wen you go afta da killa guys, Make shua I no mahke!

Songs 35:28

Den, wit my mout, I goin talk Bout how you erytime do da right ting. All day, I goin tell peopo Dat you da greates!

Songs 38:22

You da Boss fo me, Da One dat get me outa trouble. So, come quick fo help me!

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Songs 68:20

Oua God, he da kine God dat do plenny Fo get us guys outa trouble! He Da One In Charge a me. He do tings fo us guys no mahke!

Songs 88:1

Da One In Charge, you da God Dat get me outa trouble. Day an nite time I yell fo help In front you,

Isaiah 12:2

“Fo shua, he da God get me outa trouble. I goin trus him an no stay sked. Cuz Da One In Charge, da One make me strong An give me powa. He come awready, da One get me outa trouble.”

Isaiah 45:17

But you Israel peopo, you goin get outa trouble Cuz you stay tight wit Da One In Charge. An da way he get you outa trouble, goin be foeva! You no goin get shame, An nobody goin make you come shame no moa, foeva!”

Ezekiel 33:8

If I tell one guy dat do real bad kine stuff, ‘Eh! You one real bad kine guy, an you goin mahke fo shua!’ An if you no tell him he betta change da way he live, dat bad kine guy goin mahke cuz he wen do bad kine stuff, but you goin get da blame fo dat.

Daniel 9:16

Boss, you do eryting right. So I tell I like you fo pau stay huhu agains us guys, an no stay mad no moa. We come from Jerusalem, yoa big town, da hill dat stay spesho fo you. All da peopo aroun us stay laugh at us guys an poin finga us cuz a all da bad kine stuff we stay do, an da bad kine stuff oua ancesta guys wen do.

Daniel 9:7

“Boss, you do da right ting erytime. But today, even mo den befo time, us guys get plenny shame an lose face cuz a wat us wen do. Us peopo from Judah an Jerusalem an all ova Israel, no matta we stay nea o far, us wen broke yoa rules an no stay tight wit you. An same ting inside all da odda lands wea you wen make us go.

Hosea 4:2

Dose guys put kahuna on top each odda. Dey bulai each odda an murda each odda. An dey rip off peopo. Dey fool aroun behind dea wife o husban back. Dey bus up peopo an kill um one afta anodda.

Habakkuk 3:18

Still yet I goin stay good inside Cuz a Da One In Charge. I goin dance an sing Cuz God, he da One Get me outa trouble!

Jesus Guys 18:6

But wen da Jew guys stan up agains Paul an talk harsh kine to him, he shake da dus off his clotheses fo show he had it wit dem, an tell um, “You guys da one goin get da blame wen you guys get cut off from God! I no mo da blame fo dat. From now, I goin talk wit da peopo dass not Jew guys.”

Jesus Guys 20:26

Dass why I stay tell you guys today dat nobody can poin finga me if some guy no trus God an get cut off from God.

Rome 10:3

Dey donno wat God wen do awready fo make us guys get um right wit him. Cuz a dat, dey try fo get um right wit God how dey like, an dass why dey no like lissen wen he tell um how fo get um right wit him.