Songs 51:13 - Hawaii Pidgin Bible

¹³ An fo shua I goin teach Da peopo dat go agains you. Den dey goin know Da way you tell um fo live. An dass how da peopo Dat do bad kine stuff, Goin come back to you.

Songs 51:13 ပူးပေါင်းရင်းမြစ်များ

2 Kings 17:18

So Da One In Charge come real huhu wit da Israel peopo, an cut dem off from him. Ony da Judah ohana he wen keep!

2 Kings 17:20

Az why Da One In Charge come plenny huhu an cut off da Israel peopo from him. He let da steala guys rip off dea stuffs, all da time till he kick dem outa da land wea he stay.

2 Kings 17:23

till Da One In Charge kick out da Israel peopo from wea he stay. Befo time, he tell all da talka guys dat work fo him, fo tell um dat goin happen. Dass how come da Israel peopo gotta go way from dea land an come prisonas inside da Assyria land. Dey stay ova dea still yet.

Songs 19:7

Da way Da One In Charge teach, Eryting come out how suppose to do. Wen you do wat he teach, Jalike he make you come all new inside one mo time. Da rules Da One In Charge give, you can trus um. Dass how you goin know wat fo do erytime, Even if you donno right now wat fo do.

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Songs 25:4

Show me da diffren ways you do stuff. Teach me how fo ack jalike you ack.

Songs 25:8

Da One In Charge, he good An he stay do wass right. Dass why he stay show Da peopo dat do bad kine stuff Da right way fo go.

Songs 32:5

But den, I wen tell you fo real kine Dat I wen do bad tings, An I no try fo hide no moa Wat I know was wrong fo me do. I wen make up my mind, Dat I goin tell Da One In Charge All da tings I wen do agains you. Cuz a dat, you wen let me go, An hemo da shame Fo da bad tings I wen do. (Time out fo da music.)

Isaiah 2:3

Den plenny peopos goin go dea an tell, “Come on. We go up da hill wea da Temple stay, Da Temple Fo Da One In Charge, da God Jacob pray to. He goin teach us guys wat he like us fo do, An we goin do um.” Wat Da One In Charge teach goin come from him, From Zion Hill inside Jerusalem town.

Isaiah 6:10

Make dem so dey no can tink good, Make dem so dey no can hear good, An shut dea eyes so no can see good. I no like fo dem see wass happening, I no like fo dem start fo lissen, An fo tink good. Cuz if dey wen change, Den dey goin come good. But dey no goin change.”

Jeremiah 31:18

Fo shua, I hear da Efraim peopo make sad kine noise, Dey tell: ‘You wen punish us guys jalike us one young cow Dat no like learn how fo pull one plow. But now, us guys know dat you wen punish us guys Fo teach us one lesson. Help us go home, an we goin go, Cuz you, oua God, dass Da One In Charge a us!

Matthew 18:3

He tell, “I tell you guys dis fo shua: If you guys no change an start fo tink jalike one litto kid, no way God in da sky goin be yoa King.

Luke 22:32

But I wen tell God fo help you, Peter, so you trus God an no give up. Afta you come sorry an come back by me, kokua yoa braddahs.”

Jesus Guys 13:10

“Da Devil, he yoa faddah, an you hate all da stuff dat stay pono! You bulai to da max, an trick all da peopo! Erytime you try change da true stuff dat Da One In Charge teach!

Jesus Guys 15:3

Da Antiok church guys sen um. Dey stop by Fonecia an Samaria. Dey tell all da braddahs an sistahs dea, “Get plenny peopo Antiok side dat trus Jesus, an dey not Jew guys.” Az why all da braddahs an sistahs feel real good inside wen dey hear all dat.

Jesus Guys 3:19

“So den, you guys gotta change how you tink an no do all da bad kine stuff you stay do befo time. You gotta stay tight wit God. Den he goin hemo yoa shame fo all da bad kine stuff you guys wen do.