Songs 51:10 - Hawaii Pidgin Bible

¹⁰ Eh God! Put inside me One new kine heart Dat ony tink good an clean kine stuff. Give me one new kine attitude Dat no change.

Songs 51:10 ပူးပေါင်းရင်းမြစ်များ

Songs 24:4

Da prieses tell: “Ony da kine peopo Dat do good an tink good can go dea, Jalike dey get clean hands An stay clean inside. Da ones dat no like show Love an respeck Fo da wase time kine idol gods, An wen dey make one promise, Dey no bulai bout him.

Songs 35:10

I go all out fo tell: “Eh! You Da One In Charge! No mo nobody jalike you! Da peopo dat no mo powa, You get um outa trouble From da ones dat mo strong den dem. Da peopo dat no mo notting, You get um outa trouble From da ones dat like steal dea stuff.”

Songs 73:1

Fo shua, God do good tings Fo da Israel peopo, Fo da ones dat stay clean inside.

Songs 78:37

Inside, erytime dey stay change How dey tink bout him. Da way dey ack, God no can trus um Fo stick wit da deal Dey wen make wit him.

Songs 78:8

God no like fo dem ack Jalike dea ancesta guys, Cuz da peopo from dat time, Dey get hard head, An neva like do wat God tell um fo do. Dose peopo, dey neva make shua Dey stay solid inside, Cuz da way dey stay inside, God no trus um.

Smart Guys 20:9

No mo nobody can tell, “I wen make me clean inside awready! No mo notting bad inside dea! I no do bad kine stuff jalike befo time!”

Jeremiah 13:27

I wen look an see da pilau kine tings you guys do On top da hills in da countryside. You guys fool aroun wit da guys an wahines Dat not yoa husban o wife. You guys come hot up an fool aroun fo money. Bummahs, you Jerusalem peopo! How long you goin stay pilau?”

Jeremiah 32:39

I goin show dem how fo tink an live da bestes way. Erytime dey goin show me respeck. Dass how eryting goin come good fo dem an da ones dat goin come from dem.

Ezekiel 11:19

I goin give dem one heart dat know da one ting dass importan, an put one new spirit inside dem. I goin hemo dea stone heart, an give dem one heart dass fo real.

Ezekiel 18:31

Throw out all da bad kine stuff you guys wen do agains me awready! Go put inside you one new kine heart an one new kine attitude! Eh! You Israel ohana peopo! You guys no need come cut off from God, you know!

Ezekiel 36:37

“Dis wat me, Da One In Charge, da Boss, tell: One mo time I goin lissen da Israel ohana peopo wen dey beg me fo help um. Dis wat I goin do fo dem: I goin make dea peopo come choke plenny jalike da sheeps come choke plenny.

Matthew 5:8

“Da peopo dat go all out fo God inside, Dey can stay good inside Cuz dey goin see God.

Jesus Guys 11:23

Wen he come, he see dat God wen do plenny good tings fo dem. He stay good inside, an give dem good kine words fo stay tight wit Jesus, Da One In Charge, an trus him bout eryting.

Jesus Guys 15:9

God see dem same same jalike he see us. He make dem clean inside cuz dey trus him.

Rome 12:2

Eh! No do wat da peopo nowdays stay tell you fo do! Mo betta, you guys let God make you guys tink diffren kine inside, fo you tink diffren bout eryting. Den you can figga wat God like you fo do. An da ting God like you fo do, stay good, make God stay good inside, an erytime stay perfeck.

1 Corint 15:58

So den, my braddahs an sistahs, my good frenz, stan strong an solid. No let notting shake you guys up. You guys stay work fo Da One In Charge awready, so den, go do mo an mo plenny good kine stuffs fo him erytime. You guys know dis: Wen you guys stay tight wit Da One In Charge, no matta you work hard an sweat plenny, no goin be fo notting!

2 Corint 5:17

Dass why, whoeva stay tight wit Christ, dey one new guy. Da ol tings no stay no moa! Look! Da new tings stay come!

Efesus 2:10

God da One make us guys how we stay now. He make us stay tight wit Jesus Christ, az why us guys can do good kine stuff. Even befo he make us, he awready make plan fo us guys fo do good kine tings.

Colosse 3:10

Now you guys stay live da new kine way. You jalike one new guy! God da One wen make you guys da firs time, an now he erytime stay make you guys know him mo betta, an come mo an mo jalike him.

Titus 3:5

God get us outa da bad kine stuff, but he neva do dat jus cuz us wen do good kine stuff. He do um cuz he like give us chance. He give us guys his Good An Spesho Spirit, dat clean us up an make us jalike come new inside. Az jalike us born one mo time.

Joshua 14:14

So Caleb, Jefunneh boy from da Keniz blood line, get Hebron fo his property till now, cuz he go all out fo stay tight wit Da One In Charge, da God fo da Israel peopo.

1 Peter 1:22

You guys wen do wat stay pono, az why now you stay all out fo God. Dat make you get choke plenny love an aloha fo yoa braddahs an sistahs. Az da kine love an aloha dat show you no jus ack. Eh, now show even mo plenny love an aloha fo each odda cuz you get one good heart.