Songs 51:1 - Hawaii Pidgin Bible

¹ Eh God! Give me chance, Da way erytime you stay tight Wit yoa peopo. Cuz you stay get plenny pity fo dem, Az why you gotta hemo da shame I get Cuz I wen go agains you.

Songs 51:1 ပူးပေါင်းရင်းမြစ်များ

2 Samuel 11:2

One time wen almos dark, David get up from his bed, an walk aroun on top da flat roof a da palace. From up dea, he see one wahine bafing. She real good looking! (She jus pau her period, an she bafe fo her go back in front God one mo time.) David sen one guy fo find out mo bout her. Da guy tell, “Fo shua, az Batsheba. Her faddah, Eliam, an her husban, Uriah da guy from da Het peopo.” Den David sen messenja guys fo bring her. She come by him, an he wen fool aroun wit her. Den she go home.

Nehemiah 4:5

No hide da bad tings dey do. No take away dea shame, No foget da bad kine tings dey do Cuz dey make da builda guys come real sore inside!”

Songs 106:45

Fo dem, God neva foget Da deal he wen make, An cuz he like stay real tight wit dem, He wen change his mind.

Songs 106:7

Da time oua ancesta guys Stay Egypt side, Dey neva undastan Da awesome tings you wen do. Dey foget how plenny Da nice kine stuff you wen do. Dey even wen go agains you Dat time dey stay nea da Red Sea!

Songs 109:21

But you, you Da One In Charge, You my boss. Do good tings fo me, Fo show wat kine god you. Good, da way you stay tight wit me, So now, get me outa trouble!

Songs 119:124

I yoa worka guy, an you promise Fo stay tight wit me, So den, treat me da way you wen tell You goin treat me. Teach me how fo do da tings You tell I gotta do.

Songs 145:9

Da One In Charge, he do good tings Fo erybody! He show love an pity Fo eryting he wen make!

Songs 4:1

Eh God! You da one dat tell, I no mo da blame fo wat I wen do! Wen I yell fo you help me, Lissen an do someting! Wen I presha out, Do good fo me an take away da presha! Show me how you give me chance, An lissen wen I pray!

Songs 40:11

Eh! You Da One In Charge! No hold back bumbye Fo do da tings dat show You get love an aloha fo me. Try make shua Notting bad happen to me, Cuz you stay tight wit yoa peopo, An you tell da trut.

Songs 5:7

But me, I go inside yoa house, Cuz you erytime stay tight wit yoa peopo. I go down an show you choke respeck Inside da Temple dat stay spesho fo you.

Songs 51:9

No look da bad tings I wen do. Hemo da shame Fo all da wrong kine tings I wen do.

Songs 69:13

But me, I stay pray to you, Da One In Charge. Wen da right time come, God, Do wat I aks you fo do, Cuz you stay tight wit yoa peopo Big time, An I can trus you Fo get me outa trouble!

Songs 69:16

Eh! You Da One In Charge! Do someting fo help me! Cuz az good, How you stay tight wit yoa peopo. Turn aroun an look at me, Cuz you get plenny pity Fo do stuff fo me.

Songs 77:9

Maybe God foget how fo give chance! Maybe he stay huhu, An no show pity no moa!” (Time out fo da music.)

Isaiah 43:25

“Me, Da One In Charge. I da One dat let you go Fo show wat kine god me, No matta you go agains me. I no tink no mo bout all da bad tings you wen do.

Isaiah 44:22

You guys go agains me plenny. Wat you wen do, was jalike one black cloud. But I wen wipe all dat out! You wen do plenny bad kine stuff, An dat was jalike get cloud all ova da place. But I wen hemo da shame fo all dat! Go come back by me! Cuz I wen pay da price Fo let you guys go awready.”

Isaiah 63:15

Da One In Charge! Look down from da sky From da place you live up dea, Yoa Good An Spesho Place, Dat show how awesome you stay! Look down fo see wat stay happen! Befo time you wen go all out fo us guys. But now, you no give a rip! Befo time, you wen use yoa powa fo help us guys. But now, you no do notting. You wen feel plenny love an pity fo me befo time, But now, you stay hold back from me!

Isaiah 63:7

“I goin make shua nobody foget, An tell all dat Da One In Charge do Cuz he stay tight wit us guys, An I goin tell all da good tings Bout Da One In Charge Cuz he do good tings fo us guys. He give us Israel ohana peopo Plenny good kine stuffs. He show love an pity fo us guys, An he stay tight wit us guys foeva.

Jeremiah 18:23

But you, Da One In Charge, you know all dea plans fo kill me. No let dem go cuz a da wrong tings dey do! Make dem so dey no can stay tight wit you Wen dey get da blame fo do wat stay wrong. No foget da bad kine stuff dey do in front you! Make um fall down in front you! Make to dem how you like wen you stay real huhu!”

Sad Song 3:32

No matta he make us suffa, He goin show aloha an pity too, Cuz he stay real tight wit his peopo!

Daniel 9:18

“God, try lissen. An try open yoa eyes an look how us stay all bus up! Try look yoa bus up big town, Jerusalem, dat carry yoa name! Cuz us stay pray an aks you fo do dis. Az not cuz us guys do da right kine stuff, but cuz you give plenny chance!

Daniel 9:9

God, you da Boss. You da One show pity an let us go, no matta us wen go agains you.

Jesus Guys 3:19

“So den, you guys gotta change how you tink an no do all da bad kine stuff you stay do befo time. You gotta stay tight wit God. Den he goin hemo yoa shame fo all da bad kine stuff you guys wen do.

Colosse 2:14

He wen wipe out all da charges agains us from da Rules From God. He wipe um out, jalike he nail dem on top da cross.