Songs 5:8 - Hawaii Pidgin Bible

⁸ Eh! You Da One In Charge! Cuz you do da right ting erytime, Show me da way fo go! Cuz get plenny peopo dat stay agains me, Make um fo me do eryting da way you like.

Songs 5:8 ပူးပေါင်းရင်းမြစ်များ

2 Samuel 12:14

But cuz you wen make lidat, you wen ack jalike you tink Da One In Charge no good! So da boy dat goin born goin mahke fo shua.”

Songs 119:10

Eh God! I go all out fo find you. Eh! No let me get side track From da tings you tell me fo do!

Songs 119:64

Eh! You Da One In Charge! All ova da world, You stay tight wit yoa peopo. Teach me how fo do da tings You tell I gotta do.

Songs 138:2

I goin face da Temple Dat stay spesho fo you Wen I go down fo pray. Dis fo show you love an respeck. I goin tell good tings bout you, Cuz I know who you. Cuz you erytime stay tight Wit yoa peopo, An cuz us guys can trus you Fo do wat you tell you goin do. Dass cuz you do wat you promise fo do, An dass da mos importan ting Peopo know bout you.

Songs 27:11

Eh! You Da One In Charge! Teach me how fo live yoa way! Show me da bestes way fo do da right ting, Cuz get plenny peopo dat stay agains me, An dey stay watch me.

Songs 31:1

Eh! You Da One In Charge! You da One fo proteck me. No let nobody make me come shame long time! Get me outa trouble Fo notting bad happen to me, Cuz you erytime do wat stay pono.

Songs 54:5

Wateva da guys dat like kill me goin do, I like you make dat kine bad stuff Backfire on dem. I stay trus you, so wipe um out!

Songs 59:10

Da God dat erytime stay tight wit me, He goin show up wea I stay Fo help me. Da peopo dat scope me out fo attack me, God goin let me see Wat he goin do to dem.

Songs 86:11

Eh! You Da One In Charge! Teach me how fo live da way you like. Fo me live da way you like me fo live. Let me go all out fo dis one ting: Fo show you respeck fo real kine Cuz I know wat kine god you!

Smart Guys 4:25

Make shua you ony look wea you suppose to go, Look strait in front you all da time, no go spock odda stuff.

Jonah 2:5

Da watta wen come ova me an I almos mahke! Da deep watta come all aroun me. An da seaweed wrap aroun my head.

Matthew 3:3

Befo time, Isaiah, da guy dat talk fo God, talk bout John wen he tell dis: “He goin talk real loud inside da boonies, ‘Eh! Make da road ready fo Da One In Charge! Make da road strait fo him!’ ”

Hebrews 12:13

An, “Go make strait roads fo you walk. Cuz if you walk kapakahi kine,” dat kine road goin help you come strong bumbye.