Songs 5:7 - Hawaii Pidgin Bible

⁷ But me, I go inside yoa house, Cuz you erytime stay tight wit yoa peopo. I go down an show you choke respeck Inside da Temple dat stay spesho fo you.

Songs 5:7 ပူးပေါင်းရင်းမြစ်များ

1 Kings 8:35

“Bumbye, wen yoa peopo do bad kine stuff An go agains you, You goin shut da sky An no let rain come down. But wen dey tink bout dis place An look dis way an pray, An tell dat dey yoa peopo fo real kine, Den dey goin turn aroun An no do bad kine stuff Cuz you punish um awready.

1 Kings 8:38

But anybody dat pray to you, O beg you fo help dem From all da Israel peopo in da land, An all da ones dat stay pray Know dey stay sad inside, An dey put up dea hands An look dis way wea dis Temple stay,

Songs 101:7

Nobody dat bulai peopo Goin stay inside my palace. Nobody dat tell tings dat not true Can come in front me.

Songs 130:4

But if peopo tell you fo let dem go An hemo dea shame, You let um go an hemo dea shame. Dass how come peopo Get choke respeck fo you.

Songs 132:7

We hear peopo tell, “Eh! We go da place God stay! We go down in front his throne Fo show respeck!

Songs 138:2

I goin face da Temple Dat stay spesho fo you Wen I go down fo pray. Dis fo show you love an respeck. I goin tell good tings bout you, Cuz I know who you. Cuz you erytime stay tight Wit yoa peopo, An cuz us guys can trus you Fo do wat you tell you goin do. Dass cuz you do wat you promise fo do, An dass da mos importan ting Peopo know bout you.

Songs 28:2

Try lissen! Ova an ova, I aks you fo do someting I stay yell to you fo help me. I stay stan nea da mos spesho part a yoa Temple An I put up my hands fo pray to you.

Songs 34:17

Erytime dey yell to Da One In Charge, He lissen dem, An he get um outa All da trouble dey stay in.

Songs 51:1

Eh God! Give me chance, Da way erytime you stay tight Wit yoa peopo. Cuz you stay get plenny pity fo dem, Az why you gotta hemo da shame I get Cuz I wen go agains you.

Songs 52:8

Me, wen I stay inside yoa Temple, God, I stay grow strong Jalike one olive tree. I stay trus you, God, Cuz I know you stay tight wit me Foeva an eva.

Songs 55:16

But me, I stay yell to God fo help me. Da One In Charge Goin get me outa trouble!

Songs 69:13

But me, I stay pray to you, Da One In Charge. Wen da right time come, God, Do wat I aks you fo do, Cuz you stay tight wit yoa peopo Big time, An I can trus you Fo get me outa trouble!

Songs 69:16

Eh! You Da One In Charge! Do someting fo help me! Cuz az good, How you stay tight wit yoa peopo. Turn aroun an look at me, Cuz you get plenny pity Fo do stuff fo me.

Smart Guys 6:16

Get six kine tings dat Da One In Charge had it wit um. He come sick a dat kine tings.

Smart Guys 6:17

Da peopo dat ack high makamaka, Da peopo dat erytime bulai, Da peopo dat make peopo bleed, Even if da peopo neva do notting to dem,

Isaiah 55:7

Fo da bad kine peopo, Da ones dat stay make trouble, Az good dey bag from da stuff Dey do befo time, An no tink bad kine stuff no moa. Mo betta dey turn back to Da One In Charge, Cuz he goin show pity fo dem. Wen dey turn back to oua God, He goin do plenny fo let dem go Fo wat dey wen do befo time, An hemo dea shame.

Isaiah 64:11

Oua awesome Temple, dat stay spesho fo you, Wea oua ancesta guys wen tell Dat you da greates, Dat all burn down. All da nice tings we wen get, All one pile a junk now.

Daniel 6:10

Wen Daniel find out dat da king sign da paypa fo da rule, he go home inside his house. Da windows fo da top room stay open an face Jerusalem. Three time ery day inside dat room, Daniel go down on top his knees fo tell God “Mahalo plenny!” cuz he do good tings. Wen he pray, he tell God he da bestes, jalike how he do befo time.

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Jesus Guys 9:31

Dat time nobody bodda da peopo dat come togedda fo church all ova Judea, Galilee, an Samaria. Dey trus God mo an moa, an da Good An Spesho Spirit kokua dem. Mo an mo peopo trus da Good Stuff Bout Jesus. An eryting dey do, dey do um wit choke respeck fo God.

Hebrews 4:16

So den, no need come sked. Us guys gotta come strong fo go in front God throne, cuz he like do plenny good kine stuff fo help us. He goin give us chance, an wen we need kokua, he goin kokua us.

Joshua 24:15

But if you guys no like work fo Da One In Charge, den today pick wat gods you goin work fo! Goin be da gods yoa ancesta guys wen work fo da odda side a da Eufrates Riva, o da gods fo da Amor peopo wea you live now, o wat?! But me an my ohana, us guys goin work fo Da One In Charge!”