Songs 5:4 - Hawaii Pidgin Bible

⁴ You da kine God dat no stay good inside Wen peopo no do wat stay right. You no let peopo dat do wass bad, stay wit you.

Songs 5:4 ပူးပေါင်းရင်းမြစ်များ

1 Records 29:17

My God, I know fo shua dat you da One tes eryting us guys tink. I know fo shua dat you stay good inside wen us guys do wass right. I wen give all dis stuff cuz I like give um fo real kine. An now I stay good inside cuz I see yoa peopo dat stay hea, giving you plenny stuff cuz dey like give um.

Songs 101:7

Nobody dat bulai peopo Goin stay inside my palace. Nobody dat tell tings dat not true Can come in front me.

Songs 11:5

Da One In Charge, he look good on da peopo dat do wass right, An on da peopo dat do real bad kine stuff too. Deep inside, he hate da peopo Dat like bus up odda peopo.

Songs 140:13

An dis fo shua too: Da peopo dat erytime Do da right ting, Dey goin tell good tings bout you Cuz dey know who you. Da ones dat do wass right, Dey goin live togedda wit you.

Songs 50:21

Wen you do all dat kine stuff, You tink I no goin say notting?! No way! You tink I stay jalike you?! Not even! I stay tell you right now, Dat you stay do wass bad, An I goin be in yoa face Bout all da bad tings you wen do.

Songs 63:2

An cuz dass how I feel, I know I goin see you ova dea Inside yoa house dat stay spesho fo you. I like see how strong An awesome you stay.

Songs 88:14

Eh! You Da One In Charge! How come you make Jalike you donno me?! How come you no even show Yoa face to me?!

Songs 92:15

Dey tell, “Da One In Charge Stay do da right ting erytime. He jalike one big rock fo me, Cuz he take kea me. He ony stay good, No mo notting bad in him!”

Songs 94:20

Da king guys dat stay wipe out peopo An make rules dat tell Az okay fo make any kine. You tink dey can work Wit you, o wat?! No way!

Habakkuk 1:13

You stay good an right. Wen you see peopo do bad kine stuff, You no tell az okay. You tell “Laytas” to eryting dass wrong! So den, how come you let da bad peopo Make one plan fo set up peopo dat trus dem? Wen dey scam da peopo Dat do wass right mo den dem, How come you no tell notting?!

Malakai 2:17

You guys, you talk too much, you make Da One In Charge real tired! An you tell, “How us guys make God tired?” Az cuz you tell, weneva you do bad kine stuff, Da One In Charge tink you good, an he stay good inside cuz a wat you do. Az why you guys tell, “You tink God goin judge us? No way!”

John 14:23

Jesus tell um, “Whoeva get love an aloha fo me, dey goin do wat I tell um fo do. My Faddah goin get love an aloha fo dem too. Den me an my Faddah goin go by dem, an jalike we goin make house wit dem togedda.

Hebrews 12:14

Try erytime fo make pono wit erybody, an erytime da way you live, make um good an spesho fo God. Cuz ony da peopo dat go all out fo stay spesho fo Da One In Charge goin see him fo real kine.

2 Peter 3:13

But goin get one new sky an one new earth, you know. Dass wat God wen promise, an dass wat us guys stay wait fo. Dat goin be da place wea erybody do ony wass right.

Jesus Show 21:23

Da town no need da sun o da moon fo shine on top um, cuz God stay awesome, an God light shine on top um, an God Bebe Sheep Guy jalike da lamp.

Jesus Show 21:27

But da kine peopo dat no can go in front God, dey no can go inside da town. Same ting fo da peopo dat do pilau kine stuff an bulai peopo, dey no can go inside da town. Ony da peopo dat God Bebe Sheep Guy get dea names inside his Book, Da Book Dat Tell Who Get God Kine Life, dey can go inside God big town.