Songs 5:3 - Hawaii Pidgin Bible

³ Eh! You Da One In Charge! Morning time, Try lissen wat I gotta tell. Ery day morning time, I make one lis a all da tings I like tell you, An I tell you, den I wait.

Songs 5:3 ပူးပေါင်းရင်းမြစ်များ

Job 34:28

Da bad guys make da peopo dat no mo notting yell loud fo God help um. Wen da pooa peopo yell fo help, God lissen!

Songs 119:147

Befo da light come morning time, I yell fo you help me. Den I stay shua you goin tell me Wat I need fo hear.

Songs 130:2

You da boss fo me, So lissen wat I stay tell! Try lissen real good Cuz I beg you fo help me!

Songs 130:6

I hang in dea an trus my Boss. I feel jalike da army guys Dat guard da town all nite. An dey hang in dea an wait Long time fo day time come,

Songs 145:1

You da God fo me! You da King! I goin tell erybody dat you da one! All da time, I goin tell peopo Wat kine god you, Dat you do good tings!

Songs 22:2

Eh my God! Ery day I stay yell to you fo help me, But you no do notting fo help! Ery nite same ting, Dass why I no shut up!

Songs 44:5

Cuz a you, God, us guys can poun Da ones dat stay agains us. Cuz us guys yoa guys, Us can walk all ova da ones Dat like make war agains us.

Songs 55:17

Evening time, morning time, Noon time, wenevas, Wen I stay grumble an moan Cuz I stay hurting, Da One In Charge Goin lissen wat I tell.

Songs 69:16

Eh! You Da One In Charge! Do someting fo help me! Cuz az good, How you stay tight wit yoa peopo. Turn aroun an look at me, Cuz you get plenny pity Fo do stuff fo me.

Songs 74:12

Still yet, from long time befo time, You, God, stay da king fo me. You do plenny inside da world Fo get yoa peopo outa trouble.

Songs 84:4

Erybody dat come God house all da time, Dey can stay good inside! Dey erytime tell how good him. (Time out fo da music.)

Songs 88:13

But me, I stay yell fo you help me, Da One In Charge! Morning time, wat I pray fo Come in front you.

Isaiah 26:9

All nite, I fo real kine tink bout you. An morning time, I go all out Fo know you fo real kine. Cuz wen you judge peopo an punish dem, Den peopo all ova da world Goin learn fo do wass right.

Sad Song 3:56

You wen hear wat I yell, “No make deaf ear! Let me breave some moa, wen I yell to you fo help me!”

Mark 1:35

Real early morning time, wen start fo get light, Jesus get up an go outa da house. He go one place wea no mo nobody, an pray ova dea.