Songs 5:12 - Hawaii Pidgin Bible

¹² Eh! You Da One In Charge! Dis fo shua: Anybody dat stay do da right ting, You make um so eryting go good fo dem. All aroun dem you make good tings happen Jalike you put one shield aroun dem Fo notting hurt dem.

Songs 5:12 ပူးပေါင်းရင်းမြစ်များ

Songs 112:1

Eh you guys! Tell good tings Bout Da One In Charge! Anybody dat get choke respeck Fo Da One In Charge, An fo shua like do Wateva Da One In Charge tell um fo do, Dey goin stay real good inside.

Songs 115:13

Da One In Charge do good tings Fo da peopo dat feel sked Wen dey come in front him, No matta dey no stay importan, O dey stay importan, same ting.

Songs 118:15

Can hear da peopo Dat get um right wit God, Stay yelling inside dea army camp. Dey stay good inside Cuz God wen help um fo win. Dey tell: “Da One In Charge, He show dat he get plenny powa! Dass why us guys win!

Songs 119:132

Eh! Tink bout me, an make good to me! Cuz dass how you do erytime Fo da peopo dat know wat kine god you. An dass why dey get Love an aloha fo you.

Songs 29:11

Da One In Charge, he make his peopo strong! Da One In Charge, he do good tings fo his peopo An make eryting come good fo dem!

Songs 3:3

Eh! You Da One In Charge! You, jalike one shield aroun me, Dat no let me get hurt. You da one dat make me come awesome You put me back on top my throne.

Songs 3:8

Eh! You Da One In Charge! You da One Dat get me outa trouble. I like you do good tings Fo all yoa peopo! (Time out fo da music.)

Songs 32:10

Da peopo dat do bad kine stuff, Dey goin suffa plenny. But whoeva stay trus Da One In Charge, God goin do all kine stuff Fo show he stay tight wit dem!

Songs 32:7

You, you jalike one place Wea I can hide from trouble. You proteck me wen get hard time. You put peopo aroun me Dat yell plenny Cuz dey stay good inside, Cuz you wen get me outa trouble. (Time out fo da music.)

Songs 68:4

Sing fo God! Sing bout how him da bestes, Sing bout wat kine god him! Tell he da mos importan one, Da One dat ride on top da clouds, He get da spesho name “Yah!” Dance an sing in front him!

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.