Songs 5:10 - Hawaii Pidgin Bible

¹⁰ Eh God! You da judge! So tell dem guys dat you gotta punish dem. Da tings dey make plan fo do, Make dose same tings wipe dem out. Throw um out, cuz dey go agains you!

Songs 5:10 ပူးပေါင်းရင်းမြစ်များ

2 Samuel 15:31

Somebody tell David, “Ahitofel, he one a da guys dat stay make one plan wit Absalom fo take ova da govmen.” So David pray to Da One In Charge, “Eh! You Da One In Charge! Wateva Ahitofel tell Absalom az good fo him do, make wat he tell come pupule, aah?!”

2 Samuel 17:14

Absalom an all da Israel guys tell, “Wat Hushai da Ark guy tell us fo do, mo betta den wat Ahitofel tell us fo do.” (Cuz you know, Da One In Charge wen plan awready fo jam up wat Ahitofel tell fo do. He do dat fo Da One In Charge make bad kine stuff happen to Absalom.)

2 Samuel 17:23

Wen Ahitofel find out dat Absalom no do wat Ahitofel wen tell um fo do, Ahitofel saddle his donkey an go his house inside his home town. He make eryting ready so da peopo dat live wit him know wat fo do. Den, he go hang himself! Az how he mahke. His peopo bury him inside da tomb wea dey wen bury his faddah befo time.

2 Records 25:16

Wen he still yet stay talk, da king tell him, “Eh! Us give you da job fo tell yoa king wass good fo him do, o wat?! Stop! No good my guys kill you!” So da guy dat talk fo God stop. But he tell, “Fo shua God tell awready wass good fo do. He goin wipe you out! Az cuz you wen bring dose odda gods hea. You no lissen wen I tell you wass good fo do!”

Esther 7:10

So dey poke thru Haman body da long sharp pole dat he wen make fo poke um thru Mordecai body. Den da king no stay huhu no moa.

Songs 10:15

Go take away da powa Dat da bad peopo get. Den, wen you pay um back Fo da bad tings dey do, You no goin let um go till dey all come wipe out.

Songs 107:11

Az cuz dey wen go agains Da tings God tell um fo do. Da God Dass Mo Importan Den All Da Odda Gods Wen tell dem wass good fo dem do. But dey ack jalike Da One In Charge Donno notting!

Songs 17:13

Eh! You Da One In Charge! Go afta dem guys! Face um an throw um down! No let um get away! Use yoa sword, Fo make shua da bad kine guys no goin hurt me!

Songs 31:18

Get peopo dat ack high makamaka kine, An tink dey mo betta den erybody. Dey no shame fo talk bad Bout da peopo dat do wass right. But dey erytime bulai. Mo betta dey shut up, Jalike somebody tie up dea mout.

Songs 35:26

All da ones dat come good inside Weneva someting bad happen to me, I like fo dem get plenny shame Cuz a dat. Da ones dat ack big An make jalike I no good, I like fo peopo No show dem respeck notting.

Songs 55:15

I like fo da peopo mahke Dat stay agains me, Wen dey tink notting goin happen To dem! I like fo dem go down Da Mahke Peopo Place Wen dey still alive, Cuz any place dey live, Dey stay do bad kine stuff.

Songs 66:7

God da One get da right Fo stay in charge foeva, Cuz he strong. All da time he stay watch Da diffren nations real good. Da nations dat like go agains him, No good dey tink dey mo big den him. (Time out fo da music.)

Songs 71:13

Da ones dat come agains me fo kill me, I like fo dem come plenny shame An come wipe out. Da ones dat stay look Fo how dey goin hurt me, I like fo peopo tell dem Az no good wat dey do, An I like fo nobody Get respeck fo dem.

Songs 79:12

Boss, fo erytime Da peopo dat live nea us Talk harsh kine to you, Go do bad tings to dem, Seven mo times!

Isaiah 1:2

Lissen, erybody in da world an inside da sky, Cuz me, Da One In Charge, da Good Boss, stay tell you dis: “I wen take kea da Israel peopo Jalike dey my kids, an help um grow up. But still yet, dey go agains me.

Isaiah 1:20

But if you no lissen an no like do wat I tell you fo do, Den odda peopo goin come wit dea swords An wipe out you guys. Cuz az me, Da One In Charge, Da Boss, dat tell dis.”

Isaiah 63:10

But his peopo, still yet dey go agains him, An make his Good An Spesho Spirit stay sad inside. So he tell ‘Laytas’ to dem. An he fight dem.

Sad Song 1:5

Da peopo dat stay agains da Zion peopo inside Jerusalem come dea bosses. Now da bosses get one easy life! Da One In Charge make da Zion peopo stay sad inside, Cuz dey wen go agains him. Da Zion kids come prisonas an go far away. Dey stay prisonas fo da guys dat wen stay agains dem.

Daniel 9:5

But us guys wen go buckaloose an do bad kine tings. Us guys do wass wrong. Us guys do da kine stuff we not suppose to do. Us guys go agains you, Da One In Charge, an us make deaf ear fo wat you tell us fo do. We wen bag from da rules you make dat show us wass right an wass wrong cuz you da Judge.

Daniel 9:9

God, you da Boss. You da One show pity an let us go, no matta us wen go agains you.

Hosea 9:7

Da time fo punish you stay come. Az da time fo pay you back, cuz you wen make lidat. Make shua da Israel peopo know dat! You guys do plenny bad kine stuff, An you guys hate me plenny. Az why you guys tink da guys dat talk fo God Do bad kine stuff an no bodda dem, An you tink da guys dat lissen God Spirit, pupule.

1 Corint 3:19

Da way da peopo inside da world figga, God tell dat stuff stay stupid. Da Bible tell: “Da smart guys, dey sly buggahs, But God take wat dey do an jam um up!”

Rules Secon Time 2:30

But Sihon, da king fo Heshbon town, no like let us go thru dea. Az cuz oua God, dass Da One In Charge a us, wen make him hard head, an cuz a dat he give you guys da powa fo take him ova. An now, God let you guys win.

1 Samuel 25:29

My boss, wen somebody go chase you fo try kill you, fo shua yoa God, Da One In Charge, goin make shua you stay alive! Jalike he take kea all da peopo dat suppose to stay alive, jalike he keep um wit all da odda peopo dat get da real kine life fo dem no get hurt. But he goin make shua da guys dat hate you goin mahke, jalike he use one sling fo throw um far.

1 Samuel 25:39

Wen David hear dat Nabal wen mahke, he tell his guys, “Tell Da One In Charge ‘Mahalo plenny!’ He wen do one good ting fo me. Cuz wen Nabal go talk bad bout me, Da One In Charge take kea me! Cuz Da One In Charge, az my boss. He no let me do da wrong kine ting to Nabal. Da bad kine ting Nabal wen do, Da One In Charge wen pay him back awready.” Den David sen messenja guys by Abigail fo tell her he like fo her come his wife.