Songs 48:9 - Hawaii Pidgin Bible

⁹ Eh God, wen us guys inside yoa Temple, Us guys tink plenny fo no foget Da way you stay tight wit us guys.

Songs 48:9 ပူးပေါင်းရင်းမြစ်များ

1 Kings 10:6

She tell da King, “Wat I wen hear inside my land bout you an wat you do, fo shua, az fo real! You know wat fo do erytime!

1 Kings 10:7

But till I come hea an see um, I neva know dat all da tings I wen hear stay fo real kine. An I neva hear even half da stuff I see now. Da way you know wat fo do erytime, an all da stuffs you get, mo plenny den wat I wen hear!

Songs 104:34

Wen I tell him da tings I tink bout, I like him tink, “Dass good!” I goin stay real good inside Cuz I stay tight wit Da One In Charge!

Songs 26:3

Cuz all da time, I know fo shua you stay tight wit yoa peopo. Da way I live, I know I can trus you.

Songs 40:10

Fo shua wen you judge peopo, You do um da right way, An I neva ack jalike I donno dat. I wen talk plenny bout how peopo trus you, An how you get um outa trouble. I neva hold back Fo tell all da peopo dat come togedda Dat you stay tight wit yoa peopo, An dat you tell da trut erytime!

Songs 87:5

Dey goin tell dis Bout Mount Zion inside Jerusalem: “All dis peopo, jalike dey wen born dea.” God goin talk lidat, Cuz he da God Dass Mo Importan Den All Da Odda Gods, An he goin make Jerusalem town Da main place.

Love Song 1:4

Take me away wit you! Hurry up! Us go! Eh! You my king guy! Bring me inside da bedroom! Us guys like dance an sing cuz a you! We stay real good inside! Us goin talk good bout how you guys make love togedda now, Mo den we talk good bout da wine. So az right, fo dem get plenny love an aloha fo you!

Isaiah 26:8

Da One In Charge, fo shua us guys like live Da way you show us fo us stay wait Fo find out how you goin judge peopo. Da ting us fo real kine like fo erybody know, Is wat kine god you, an no foget you.

Jeremiah 31:40

Inside da valley wea dey throw da mahke bodies an da ashes, an on da fields on da side a da valley from dea to da Kidron Stream, den to da corna nea da Horse Gate on da east side, all dat goin stay spesho fo me, Da One In Charge. Nobody goin bus up Jerusalem one mo time.”