Songs 48:2 - Hawaii Pidgin Bible

² Look awesome up dea, Mount Zion, Mo awesome den Mount Zafon, Da mountain fo da odda gods. Erybody inside da whole world Stay good inside Cuz Jerusalem stay da town Wea God da big King stay.

Songs 48:2 ပူးပေါင်းရင်းမြစ်များ

Songs 135:21

Good fo erybody stan hea On top Zion Hill an tell Da One In Charge dat he good! Tell dat to da one dat live hea Inside Jerusalem town! All you guys! Tell good tings Bout Da One In Charge!

Songs 50:2

From Mount Zion, Da bestes looking place, Dass da place wea God show How awesome he stay!

Songs 76:2

Jerusalem, dass wea God stay, Inside his Temple on top Mount Zion.

Songs 87:3

You peopo dat live Jerusalem town, Da same town wea God live, Erybody tell awesome tings Bout yoa town. (Time out fo da music.)

Songs 99:9

All you peopo, tell erybody dat oua God, Dass Da One In Charge a us, He da greates! Go down in front him, On top da hill dat stay spesho fo him, Cuz oua God, Da One In Charge a us, He good an spesho!

Isaiah 14:13

One time you guys wen tink, “I goin go climb up to da sky! I goin put my throne Mo high den God stars! I goin sit on top da mos far part An da big mountain north side, Wea all da gods stay come togedda!

Isaiah 2:2

Bumbye, wen da world almos pau, God goin make da hill wea da Temple Fo Da One In Charge stay, Come da mos importan place in da whole world, Mo importan den da odda hills. Den all da peopo from odda countries Goin come dea.

Isaiah 60:14

Get peopo befo time Dat wen make any kine to you guys, Dea kids goin come by you guys An go down in front you guys. Erybody dat wen ack jalike dey tink you no good, Dey goin go down on top da groun by yoa feets. Dey goin call yoa town, ‘Da One In Charge Town, Zion Town, Da Town Fo Da One Dat Stay Good An Spesho fo da Israel peopo.’

Isaiah 66:10

“All you peopo dat get love an aloha Fo da Jerusalem peopo, Dance an sing wit dem An stay good inside! Show erybody how you feel good jalike dem, No matta befo time you wen stay sad inside.

Jeremiah 3:19

“Da One In Charge tell, ‘Me, I da One wen tell Dat fo shua I like make you guys importan, jalike you my kids. I like give you guys da good kine land dat erybody like live dea Fo stay yoas foeva. Dis place, mo nice looking den da lands da odda peopos get. I wen like fo you guys call me yoa faddah. An I no tink you guys goin dig out from me an no stay tight wit me.

Sad Song 2:15

All da odda peopo dat pass by you Jerusalem guys, Dey clap hands fo make fun a you guys. Dey shake dea head fo show dey no mo respeck fo you. Dey tell, “Ahanas! Dis da big town dey call ‘Da Beautiful Place,’ o wat?! Dis da place dat peopo all ova da world stay good inside Wen dey tink bout um, o wat?!”

Ezekiel 20:6

Dat day I make one strong promise to dem: ‘I goin bring you guys outa Egypt fo go one land I wen pick fo you. Az one land dat get plenny milk an honey, da mos beautiful land from all da odda lands.’

Daniel 11:16

“Da Syria king dat fight dem goin do wateva he like do. No goin get nobody from da Egypt army can fight da Syria army. Da Syria king goin take ova da Israel land dat mo nice looking. An he goin get da powa fo wipe out dat whole land.

Daniel 11:45

He goin put up his king kine tents wit da Mediterranean Sea makai side, an da nice looking mountain dat stay spesho fo God, mauka side. But den, he goin mahke, an no goin get nobody dea fo help him.”

Daniel 8:9

From one a da four horns, anodda horn start fo grow up dat start small, but come mo strong. He grow to da south an da east, an to da beautiful Israel land.

Malakai 1:14

But I tell, get times wen one guy make one promise fo make one sacrifice to me, an he get one good boy kine sheep fo da sacrifice. But den da guy tink he can bulai God. Az why he ony bring one no good kine sheep fo me. But you know wat? Me, Da One In Charge, goin put kahuna on top dat guy! Cuz Da One In Charge, Da God Ova All Da Armies, tell: “I da big king. Az why wen all da diffren peopos find out wat kine god me, dey show real respeck.”

Malakai 3:12

“Den all da peopos from diffren place goin tell You guys can stay good inside, Cuz yoa land, one real nice place. Dass wat I tell, An me Da One In Charge, Da God Ova All Da Armies.”

Matthew 5:35

No make one promise an tell ‘by da earth,’ cuz dass God stool fo his feets. No make one promise an tell ‘by Jerusalem,’ cuz dass da spesho town fo da big King.

Hebrews 12:22

But you guys, wen God make da New Deal fo us guys come tight wit him, az jalike da time yoa ancesta guys go by him on top Zion Hill wea he stay. An Zion Hill, jalike da big town inside da sky wea da God Dat Stay Alive live, dass jalike Jerusalem Town. An jalike you guys go by da uku pile a angel guys dat come togedda fo party.