Songs 48:13 - Hawaii Pidgin Bible

¹³ Check out da strong wall aroun da town, Go walk thru da strong buildings Inside da wall, Fo you guys tell bout um bumbye To da peopo dat goin come afta.

Songs 48:13 ပူးပေါင်းရင်းမြစ်များ

Songs 122:7

I like eryting go good Fo da peopo inside yoa town walls I like fo da peopo inside yoa palaces No need worry bout notting!”

Songs 71:18

No matta I ol awready an get gray hair, God, no dump me, Till I pau tell da kids How strong you stay, An tell all da ones Dat goin born afta dem, Da kine powa you get.

Isaiah 33:20

Check out Mount Zion! Dass da place we goin make Da spesho religious kine ceremony. You goin see Jerusalem town Goin come one place Wea you can res an no need worry. Goin be jalike one tent dat nobody goin move um Fo take um anodda place. No mo nobody goin pull up da stakes. Nobody goin broke da ropes.

Isaiah 58:12

Some a yoa peopo Goin build up one mo time da ol broke up town, An fix up da ol foundation, Dat yoa ancesta guys wen put firs time. Peopo goin call you guys ‘Da guys dat fix da broke up walls, Da guys dat fix da streets Fo peopo live dea.’

Ezekiel 21:25

“Eh! Zedekiah! You da prince ova da Israel peopo! But you one pilau crook! Now, yoa time stay come fo get punish. Dis mean, dis da end fo you!

Joel 1:3

Tell yoa kids bout dis, Fo dem tell dea kids, An tell dose kids fo tell dea kids, Fo dem tell odda generations afta dat!

Amos 9:11

Plus, Da One In Charge tell dis: “Dis peopo dat had King David fo dea king befo time, Now dey all hamajang, jalike one shack ready fo fall down. But goin come da time, I goin fix up dea land jalike was King David time. Jalike da peopo fix one wall dass all broke an fall down, I goin fix dat wall dat was all bus up An put up da tings dat wen broke. I goin build um jalike was befo time.

Rules Secon Time 11:19

Teach um to yoa kids. Talk bout um erytime, wen you guys stay inside yoa house, wen you walk on top da road, wen you lay down, an wen you get up.