Songs 48:11 - Hawaii Pidgin Bible

¹¹ Da peopo dat stay live Mount Zion Stay good inside. Da peopo from da towns All ova Judah side, Stay good inside too. Cuz you judge peopo da right way.

Songs 48:11 ပူးပေါင်းရင်းမြစ်များ

Songs 58:10

Da peopo dat stay do wass right, Wen dey see dat God Pay back da bad guys Fo wat dey wen do, Dey goin come real good inside. Jalike God goin get his feets wet Wit da blood from da bad guys.

Songs 97:8

Da One In Charge, wen you judge peopo, You judge um da right way erytime. Az why da peopo dat live Mount Zion Hear bout Da One In Charge, An stay good inside. Same ting fo da peopo Dat live in da odda towns All ova da Judah land!

Love Song 1:5

Eh you young Jerusalem wahines! Dark, but pretty, How I stay look! I dark jalike da dark tents da Kedar peopo use, Jalike da kine cloth Solomon use fo cova his tent!

Love Song 2:7

Eh! You Jerusalem wahines! I like you guys make one strong promise to me, Fo tell da wild deers an da wahine deers, Fo dem lissen wat you promise! I like you make one promise to me: No come real excited fo make love Till da time stay right!

Love Song 3:5

Eh! You Jerusalem wahines! I like you guys make one strong promise to me, An tell da wild deers an da wahine deers, Fo dem lissen wat you promise! Promise you no goin come real excited fo make love Till da time stay right!

Love Song 5:16

Inside his mout, stay sweet! Eryting bout him, make me like take him! Eh! You young Jerusalem wahines! Dis one, da one I love, an he my fren too!

Isaiah 37:22

dis wat I tell agains Sennakerib: “ ‘My peopo inside Jerusalem town Dey jalike one young wahine Dat tink you no good, an dey laugh at you. Jalike one wahine dat shake her head an look Wen you stay run away!

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Luke 23:28

Jesus turn an tell um, “Sistahs from Jerusalem, no cry fo me. Cry fo you an fo yoa kids.

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”

Local Leadas 5:31

Deborah tell: “Da One In Charge, I like all da guys dat stay agains you, come wipe out! But I like da peopo dat get love an aloha fo you, Come jalike da bright sun wen stay shine in da sky.” Den da peopo res, an no fight nobody fo forty year.