Songs 47:7 - Hawaii Pidgin Bible

⁷ Cuz God, he stay king Ova da whole world. Sing songs fo tell Dat oua God da greates! Sing da kine song Dat make erybody feel Real good inside!

Songs 47:7 ပူးပေါင်းရင်းမြစ်များ

Songs 30:5

Ony fo short time, he come huhu But all yoa life, he do good stuff fo you All nite, you feel jalike you goin cry, But den morning time come, An you like yell Cuz you stay feel real good inside.

Songs 47:2

Da One In Charge, He da mos awesome one! You betta come sked a him! He da main king guy Ova da whole world.

Songs 47:8

God, he stay da king Ova da whole world. He stay sit on top da throne Dat stay spesho fo ony him.

Zekariah 14:9

Erybody goin know Da One In Charge da ony king ova all da world. Dat time he goin be da ony God, an his name, Da One In Charge, goin be da ony name fo pray to.

Colosse 3:16

Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”