Songs 47:5 - Hawaii Pidgin Bible

⁵ Wen God go up fo sit on top his throne, Erybody yell. Da One In Charge, Wen he go up dea, Peopo blow da sheep horn trumpet.

Songs 47:5 ပူးပေါင်းရင်းမြစ်များ

2 Samuel 6:15

David an all da Israel ohana stay bring up da Box Fo Da One In Charge, an dey stay yell cuz dey stay good inside an dey stay blow da sheep horn trumpets.

1 Records 15:24

Shebaniah, Joshafat, Netanel, Amasai, Zekariah, Benaiah, an Eliezer da pries guys, dey suppose to blow da long metal trumpets in front da Box Fo God. Obed-Edom an Jehiah, dey security guard guys fo da Box too.

1 Records 15:28

Dass how all da Israel peopo bring up da Box Fo No Foget Da Deal Wit Da One In Charge. Dey yell cuz dey feel good inside, an dey make noise wit da sheep horn trumpets an da long metal trumpets, da cymbals, da bass harps, an da small harps.

1 Records 16:42

Heman an Jedutun get da kuleana fo play da long metal trumpets an da cymbals, an fo play da odda music kine tings fo da songs fo God. Jedutun boys, dey da security guard guys Gibeon side.

Songs 150:3

Blow da sheep horn trumpet real loud Fo tell good tings Bout Da One In Charge! Play da bass harp an da regula harp Fo tell good tings Bout Da One In Charge!

Songs 68:33

Lissen to da One dat stay ride Inside da sky From da time he make da world Till now! Get powa, his voice!

Songs 78:65

But den, jalike da Boss Up Dea Wen wake up afta he sleep, Jalike one army guy drink wine, But den he wake up ready fo fight.

Songs 81:3

Wen da month start, da new moon time, Blow da sheep horn trumpets! Same ting Fo oua spesho religious kine ceremony Wen da moon come full!

Songs 98:6

Blow da metal trumpets, An make noise Wit da sheep horn trumpets, In front oua king, Da One In Charge!

Ezekiel 20:6

Dat day I make one strong promise to dem: ‘I goin bring you guys outa Egypt fo go one land I wen pick fo you. Az one land dat get plenny milk an honey, da mos beautiful land from all da odda lands.’

Amos 8:7

Amos tell dis: “Da Israel peopo, dey get real big head cuz dey come from Jacob an feel proud bout Jacob. Da One In Charge wen make one strong promise lidis: “Fo shua, I no goin foget Da tings da Israel peopo wen do, eva!

Malakai 2:3

Cuz a wat you guys do, I goin tell da ones dat come from you guys az wrong wat dey do. I goin take da doodoo from da guts a da animals dat you kill fo da spesho religious ceremonies an rub um all ova yoa face. Den da pries guys goin throw you guys out wit da opala from da sacrifices.

Census 23:21

“Da One In Charge look da Jacob peopo, An dey no stay do wat dey not suppose to do. No mo trouble dea fo da Israel peopo. Dea God Da One In Charge stay wit dem. Dey yell cuz he dea king, An az why dey feel good inside!

1 Corint 15:52

Dis goin happen real fas, mo fas den can blink yoa eye. Goin happen bumbye wen time fo blow da las trumpet. Goin get da noise from da trumpet. Right den, da mahke guys goin come back alive. No way dey goin mahke an come rotten one mo time! Same ting wit us guys, us all goin come diffren.

1 Tessalonika 4:16

Cuz God goin give da orda fo wat erybody gotta do. Da main angel guy goin call um out, an somebody goin blow God trumpet. An Jesus, Da One In Charge, goin come down from da sky! Den da mahke guys dat wen stay tight wit Christ, dey goin come alive one mo time!

1 Timoty 3:16

We all tell dis: Da stuff bout God, dat befo time was secret, dass importan fo real kine. Christ wen come, Wit one body jalike us. God Spirit wen show proof dat Christ stay right. Da angel guys from God wen see him. His guys wen teach Da diffren peopos all ova da world bout him. Get peopo inside da world dat trus him. God wen take him back To da awesome place inside da sky.

Joshua 6:5

Wen you hear dem blow da sheep horn trumpets one long time, tell all da army guys fo yell real loud. Den da walls fo da town goin fall down, an all da Israel peopo goin go strait inside ova da wall.”

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”