Songs 47:1 - Hawaii Pidgin Bible

¹ All you peopos, clap yoa hands! Yell plenny fo God, Cuz you stay good inside!

Songs 47:1 ပူးပေါင်းရင်းမြစ်များ

2 Samuel 6:15

David an all da Israel ohana stay bring up da Box Fo Da One In Charge, an dey stay yell cuz dey stay good inside an dey stay blow da sheep horn trumpets.

2 Kings 11:12

Jehoiada bring da king boy outside in da open lanai, an put da king kine crown on top his head. He give da boy one copy a da Rules From God, so bumbye he no foget da deal wit Da One In Charge. Da peopo make him king. Dey put olive oil on top his head fo show dey pick him, an da peopo all clap dea hands, an yell, “We like da king live foeva!”

2 Records 13:15

an da Judah guys yell fo fight dem. Wen dey yell, God wack Jeroboam an all da Israel army guys an make um run away in front Abijah an da Judah army guys.

Songs 106:47

Eh! You Da One In Charge! You da God fo us guys! So get us guys outa trouble! Bring us back togedda From wea all da odda peopos live, Fo us guys tell erybody us yoa guys. An we know wat kine god you, Cuz you stay good an spesho. Den we can talk real big Bout how awesome you stay!

Songs 42:1

Eh God! I like know you real good inside, Jalike one deer Dat gotta find one stream Fo drink watta.

Songs 46:1

God, he jalike one place Fo us guys go hide. He make us guys stay strong Fo notting bad happen. Wen get all kine trouble, God stay ready Fo help us guys plenny.

Songs 47:5

Wen God go up fo sit on top his throne, Erybody yell. Da One In Charge, Wen he go up dea, Peopo blow da sheep horn trumpet.

Songs 98:4

Eh! You peopos all ova da world! Make big noise fo Da One In Charge! Open yoa mout an yell Cuz you stay good inside, an sing!

Songs 98:8

I like da rivas make noise Jalike dey clap fo him! I like da mountains yell Cuz dey stay good inside,

Isaiah 55:12

Bumbye, wen you guys leave fo come back ova hea, You guys goin dance an sing. God goin lead you guys out, An eryting goin come good fo you. Jalike da mountains an hills Goin sing loud in front you guys, An all da trees in da fields goin clap dea hands.

Jeremiah 31:7

Dis wat Da One In Charge tell: “Yell, cuz you stay good inside, Bout how da peopo dat come from Jacob stay! Yell fo da nation dass mo importan den all da odda nations! Let erybody hear dat you tell good stuff bout Da One In Charge. Tell: ‘Da One In Charge, get yoa peopo outa trouble, All da Israel peopo dat stay alive still yet.’ ”

Zefaniah 3:14

Zefaniah tell: “Eh! You peopo dat come Zion hill fo pray! Yell cuz you stay good inside! You Israel peopo! Yell out loud, Go all out fo dance an sing, You Jerusalem peopo!

Zekariah 4:7

Yoa problems jalike dis big strong mountain. But da mountain goin come flat land in front Zerubbabel. Den he goin put da las stone block fo da temple wea suppose to stay, an da peopo goin yell, ‘Az beautiful! Az beautiful!’ ”

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

1 Samuel 10:24

Samuel tell all da peopo, “You guys see dat guy dat Da One In Charge wen pick? From all da peopo, no mo nobody jalike him!” Den da peopo yell, “Yeah! Us like da king stay alive long time!”